აჭარის ავტონომიური რესპუბლიკის უმაღლესი საბჭოს, მინისტრთა კაბინეტისა და სილეზიის სავოევოდოს წარმომადგენლებს შორის ვიდეოკონფერენცია გაიმართა

2020-06-04 15:40:36, 4326 ნახვა

რეგიონი

აჭარის ავტონომიური რესპუბლიკის უმაღლესი საბჭოს, მინისტრთა კაბინეტისა და სილეზიის სავოევოდოს წარმომადგენლებს შორის ვიდეოკონფერენცია გაიმართა

შეხვედრაზე, რომელიც აჭარის ა.რ. უმაღლესი საბჭოს თავმჯდომარის, დავით გაბაიძის, სილეზიის სავოევოდოს მარშალის იაკუბ ჩელსტოვსკისა და სილეზიის სავოევოდოს რეგიონული პარლამენტის თავმჯდომარის, იან კავულოკის ინიციატივით გაიმართა, მხარეებმა რამდენიმე საკვანძო თემა განიხილეს. მათ შორის, პანდემიის პირობებში არსებული მდგომარეობა და მეწარმეთა მხარდაჭერის ინიციატივები.

ვიდეოკონფერენციაში აჭარის ა.რ. ჯანმრთელობისა და სოციალური დაცვის მინისტრმა ზაალ მიქელაძემ და აჭარის ა.რ. ფინანსთა და ეკონომიკის მინისტრმა, ჯაბა ფუტკარაძემ მიიღეს მონაწილეობა. მხარეებმა ტურიზმის, ავიაციისა და მედიცინის სფეროში თანამშრომლობის შესაძლებლობებზეც ისაუბრეს.

შეხვედრას ზემო სილეზიიდან ესწრებოდნენ სილეზიის სავოევოდოს ვიცე-მარშალი ვოიჩეხ ქაუჟა, სილეზიის რეგიონული პარლამენტის დეპუტატი მარია მათერლა, ზემო სილეზიის მეწარმეთა განვითარების სააგენტოს აღმასრულებელი დირექტორი ბოგდან თრაჯიქი, ზემო სილეზიის სავოევოდოს მეწარმეთა განვითარების სააგენტოს, მედსილეზიის ჯგუფის ხელმძღვანელი იზაბელა ჩერემჰა,კატოვიცეს აეროპორტის დირექტორი პაველ ვოჟდა, სილეზიის საავიაციო ჯგუფის აღმასრულებელი დირექტორი ქშიშტოფ ქრისტოვსკი და ზემო სილეზიის ფონდის დირექტორი ქრისტიან სტენფინი.