2015-08-21 10:22:05, 1542 ნახვა
მსოფლიო
ჩრდილოეთ კორეის ლიდერმა „ნახევრად ომის მდგომარეობა“ გამოაცხადა
ჩრდილოეთ კორეის ლიდერმა კიმ ჩენ ინმა „ნახევრად ომის მდგომარეობა“ გამოაცხადა.
ამის შესახებ ინფორმაციას „ბი-ბი-სი“ ჩრდილოეთ კორეის სახელმწიფო ტელევიზიის ინფორმაციაზე დაყრდნობით ავრცელებს.
მათივე ინფორმაციით, ჩრდილოთ კორეის ლიდერმა ქვეყნის შეიარაღებული ძალების მზადყოფნაში მოყვანის შესახებ ბრძანება გასცა.
აღნიშნული გადაწყვეტილება ჩრდილოეთ კორეის ლიდერმა მას შემდეგ მიიღო, რაც სამხრეთ კორეის საზღვართან გუშინ ორმხრივი სროლა მოხდა.
ოფიციალური სეულის განმარტებით, პირველი გასროლა ჩრდილოეთ კორეამ განახორციელა. მიზანი იმ მოწყობილობის განადგურება იყო, რომლის საშუალებითაც სამხრეთ კორეის ტერიტორიიდან ანტიკომუნისტური პროპაგანდის ტრანსლირება ხდებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
