2020-05-13 16:15:22, 1661 ნახვა

---

ბაქრაძე - დავგეგმავთ თუ არა საპროტესტო აქციებს, ქვეყანაში არსებულ ეპიდემიოლოგიურ მდგომარეობაზე იქნება დამოკიდებული

„დავგეგმავთ თუ არა საპროტესტო აქციებს იქნება სწორედ ქვეყანაში არსებულ ეპიდემიოლოგიურ მდგომარეობაზე, ხალხის ჯანმრთელობაზე დამოკიდებული“, - ამის შესახებ „ევროპული საქართველოს“ ლიდერმა დავით ბაქრაძემ განაცხადა.

მისი თქმით, იმუშავებენ იმისთვის, რომ 8 მარტის შეთანხმება პირნათლად შესრულდეს.

„ჩვენ ვიმუშავებთ ქვეყნის შიგნითაც და ქვეყნის გარეთაც იმისთვის, რომ მოხდეს საზოგადოებრივი აზრის მობილიზება იმისთვის, რომ აიძულონ ხელისუფლება 8 მარტის შეთანხმება შესრულდეს. ჩვენ არ გვინდა, რომ 8 მარტის შეთანხმება ჩავარდეს და ქვეყანა კიდევ ერთხელ შევიდეს კრიზისში.

საპროტესტო აქციები არის ზოგადად, რა თქმა უნდა, სრულიად კანონიერი, კონსტიტუციური და დემოკრატიული ფორმა პოლიტიკური ბრძოლის. მაგრამ ამ კონკრეტულ პერიოდში, სანამ ქვეყანაში არ არის ბოლომდე დასრულებული კორონავირუსის პანდემია, ჩვენი ამოსავალი წერტილი შევუერთდებით თუ არა, დავგეგმავთ თუ არა საპროტესტო აქციებს იქნება სწორედ ქვეყანაში არსებულ ეპიდემიოლოგიურ მდგომარეობაზე, ხალხის ჯანმრთელობაზე დამოკიდებული“, - განაცხადა დავით ბაქრაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი