თბილისის ზღვის ჰოსპიტლის კრიტიკული მედიცინის დეპარტამენტის ხელმძღვანელის, მარეხი ბექაიას განცხადებით, მათ კლინიკაში კორონავირუსზე 38 პაციენტის ტესტის პასუხი უარყოფითი მიიღეს.

მისი თქმით, ამჟამად კლინიკაში 44 პაციენტია მოთავსებული, რომელთა მდგომარეობაც საშუალო და მსუბუქი სიმძიმისაა.

„38 უარყოფითი პასუხია მოსული. ამჟამად კლინიკაში სულ 44 პაციენტი იმყოფება, დაწყებულია პაციენტების გადაყვანა. გუშინ კვლევაში მყოფი პაციენტების პასუხიც მოვიდა და ისიც უარყოფითია, ეს პაციენტები გადაყვანილი არიან კლინიკიდან. პაციენტების მდგომარეობა საშუალო და მსუბუქი ხარისხის სიმძიმისაა. პაციენტები, ვისაც პათოლოგიები ჰქონდათ, სომატურ კლინიკებში გადაიყვანეს, ხოლო ვისაც პათოლოგია არ დაუფიქსირდა, საკარანტინო ზონაში.

გუშინ, დღე-ღამის განმავლობაში 38 პაციენტი გაეწერა და ისევ 38 პაციენტი მივიღეთ. 14:00 საათისთვის უკვე დაიწყება ტესტის აღება. ტესტირება პერსონალსაც და პაციენტებსაც ჩაუტარდებათ“,- განაცხადა მარეხი ბექაიამ.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა