2020-04-21 14:57:43, 10682 ნახვა

---

რესპუბლიკურ საავადმყოფოში კორონავირუსით ინფიცირებული 39 პაციენტი მკურნალობს, საიდანაც სამს მძიმე პნევმონია აქვს

რესპუბლიკური საავადმყოფოს გენერალური დირექტორის, ლევან გოფოძის განცხადებით,  მათ კლინიკაში კორონავირუსით ინფიცირებული 39 პაციენტი მკურნალობს.

მისი თქმით, ინფიცირებული პაციენტებიდან სამს მძიმე პნევმონია აქვს, თუმცა მართვით სუნთქვაზე არცერთი მათგანი არ არის.

„ამ წუთას კლინიკაში 59 პაციენტია, აქედან 39 არის დადასტურებული კოვიდინფექცია. პაციენტების ზოგადი მდგომარეობა ძირითადად დამაკმაყოფლებელია, სამ პაციენტს აქვს შედარებით მძიმედ მიმდინარე პნევმონია, მაგრამ მართვითი სუნთქვა ჯერჯერობით არცერთს არ სჭირდება.

დღეს ანალიზს ვუღებთ 18 პაციენტს, გარდა ამისა საკარანტინო ზონიდან გადმოვიყვანთ ორ პაციენტს და მათაც ავუღებთ ანალიზს. ნაწილს კი, სწრაფ ტესტს ჩავუტარებთ თვითონ საკარანტინო ზონებში, დაახლოებით 100-მდე ტესტირება გაკეთდება“, - განაცხადა ლევან გოფოძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი