კორონავირუსზე ჩატარებული პირველადი ტესტირებით 5 პაციენტზე უარყოფითი პასუხი მივიღეთ, - ამის შესახებ თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.

მისი თქმით, თბილისის ინფექციურ საავადმყოფოში კორნავირუსზე მკურნალობას 39 პაციენტი გადის.

„დღეს დილამდე დაემატა 10 დადასტურებული შემთხვევა და გვაქვს 306 დადასტურებული შემთხვევა. ამ 10 ახალი შემთხვევის ეპიდემიოლოგიური კვლევა წარმოებს და წყაროების გარკვევა. ამ 10 შემთხვევიდან ჩვენთან 2 ახალი პაციენტია მოთავსებული, დანარჩენი კი სხვა კლინიკებში არიან. ოფიციალურად გვყავს 69 გამოჯანმრთელებული. კოვიდის დაწესებულებებში კი 237 პაციენტი მკურნალობს.

ჩვენს ცენტრში 306 პაციენტიდან 86 პაციენტი გავატარეთ. ამ ეტაპზე კი ჩვენთან 39 პაციენტი მკურნალობს, ხოლო გამოჯანმრთელებული 46 არის. გუშინ ჩატარდა კვლევა და პირველ ჯერზე უარყოფითი პასუხი მივიღეთ დაახლოებით 5 პაციენტზე და გაგრძელდება ამათი კვლევა“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება