იმისთვის, რომ ეკონომიკა გაიხსნას, მთავარი წინაპირობაა ვირუსის გავრცელების ტემპის შენელება, -  ამის შესახებ ფინანსთა მინისტრმა ივანე მაჭავარიანმა „ღამის კურიერში“ საუბრისას აღნიშნა.

მისი თქმით, ხელისუფლებას აქვს ეკონომიკის გახსნის ეფექტური გზა, რომელიც ეყრდნობა სხვადასხვა ქვეყნის გამოცდილებას.

„ამჟამად, ყველაზე მნიშვნელოვანია, თუ როგორ და რამდენად მალე დავძლევთ პანდემიის გამოწვევას. ამისთვის გადამწყვეტი იქნება შემდეგი ორი-სამი კვირა. დღეს პრემერმა ისაუბრა და მინდა დავადასტურო, რომ არსებობს ეკონომიკის გახნის ეფექტური გზა. ჩვენ  გავითვალისწინეთ ავსტრიის, დანიის და სხვა ქვეყნების მაგალითები თუ რა ეტაპებად, რა ფაზებად უნდა მოხდეს ეკონომიკის გახსნა. თუმცა, იმისთვის, რომ ეკონომიკა გაიხსნას, მთავარი წინაპირობაა ვირუსის გავრცელების ტემპის შენელება“, - განაცხადა ფინანსთა მინისტრმა.

მან ისაუბრა იმ სექტორებზე, რომელთა გახსნაც შესაძლებელია აღნიშნული მიზნის მიღწევის შემდეგ.

„პირველ რიგში, იხსნება ის სექტორი, სადაც შედარებით დაბალია ვირუსის გავრცელების რისკი. შემდეგი ორი კვირა ხდება სიტუაციის მონიტორინგი. შემდეგ, უკვე იხსნება შედარებით მაღალი რისკის შემცველი სექტორები და ა.შ. რეალურად, ეკონომიკის გახსნა რამდენიმე ფაზას მოიცავს. სწორედ ამ ფაზების განვითარება იქნება ყველაზე მძლავრი მხარდაჭერა თვიდასაქმებულებისთვის, ინდმეწარმეებისთვის, ბაზრობებზე მომუშავე ადამიანებისა თუ  სხვა სფეროში მოღვაწე ჩვენი მოქალაქეებისთვის. თუკი ყველა 2-3 კვირის განმავლობაში მაქსიმალურად მკაცრად დავიცავთ დადგენილ წესებს,  გვიჩნდება რეალური შანსი მივიღოთ დინამიკის შემცირების ისეთი სურათი, რომელიც საშუალებას მოგცვემს ვუსაუბროთ ეკონომიკის გახსნაზე“,  - განაცხადა ფინანსთა მინისტრმა ივანე მაჭავარიანმა.

მისი თქმით, დღეს, საქართველოს სხვა ქვეყნებთან შედარებით აქვს ვირუსთან ბრძოლის წარმატებული მაგალითი და არსებობს ყველა შესაძლებლობა იმისა, რომ თუკი მოხდება სოციალური დისტანცირების მკაცრად დაცვა, ქვეყანა შეძლებს ყველაზე ადრე შეიტანოს გარდატეხა ვირუსის წინააღმდეგ ბრძოლის მიმართულებით და დაიწყოს ეკონომიკის აღდგენა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს