კორონავირუსის გავრცელების გამო, ვნების კვირის დიდი პარასკევი კათოლიკეებმა, ლუთერანებმა და პროტესტანტული ეკლესიის წარმომადგენლებმა პირველად, განსხვავებულად აღნიშნეს.

ვატიკანის ქუჩები ცარიელია. რომაულ-კათოლიკური ეკლესიის ისტორიაში, პირველად, დიდი პარასკევი „ვირტუალურად“ აღინიშნა. მესა ონლაინ რეჟიმში ჩატარდა, ასევე მიმდინარეობდა მისი ტრანსლირება ტელევიზიით. ტრადიციული ლიტანიობა, რომელიც კოლიზეუმის კედლებთან ტარდებოდა, ამჯერად წმინდა პეტრეს ტაძრის მოედანზე ჩაივლის.

რაც შეეხება პარიზის ღვთისმშობლის ტაძარს, რომელიც 2019 წლის აპრილში დაიწვა, მსახურება ეკლესიაში ტელევიზიით იქნება ტრანსლირებული. პარიზის არქიეპისკოპოსმა, მიშელ ოპეტიმ ჩაატარა მესა, რომელსაც მხოლოდ 7 ადამიანი დაესწრო. აღნიშნულის მდგომარეობიდან გამომდინარე, ტაძარში დააბრუნეს ქრისტეს ეკლის გვირგვინი, რომელიც ხანძარს გადაურჩა.

ესპანურ რელიგიურ მელოდიაში, კალანდაში, სადაც დოლების ხმა ისმის, ამჯერად ცვლილებები შევიდა. დოლების ხმა ჩვეულებრივ დიდი პარასკევის ნაშუადღევს იწყებოდა და შაბათის საღამომდე გრძლედებოდა, წელს კი, ეს ყველაფერი სახლების აივნებიდან ისმის, რადგან მოქალაქეებს არ აქვთ ერთად შეკრების საშუალება.

და ბოლოს, გერმანიის დუსელდორფში ასობით ქრისტიანი იმყოფებოდა მესაზე, მსახურება ჩატარდა კინოთეატრის ტერიტორიაზე, ღია ცის ქვეშ და აკმაყოფილებდა ყველანაირ ნორმებს, რომლებიც არის რეკომენდირებული. მორწმუნეები, ერთმანეთისგან სოციალური დისტანციის დაცვით იდგნენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა