საქართველოში კორონავირუსის  კიდევ 3 ახალი შემთხვევა დაფიქსირდა.

როგორც თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა, სამივე მათგანი უცხოეთიდან  სამკურნალოდ გადმოყვანილი საქართველოს მოქალაქეების შემთხვევას უკავშირდება.

„236 დადასტურებული შემთხვევიდან გვყავს 3 შემოტანილი შემთხვევა. ეს ნიშნავს, რომ 3 პაციენტს კოვიდინფექცია თურქეთში დაუდასტურდა. ჩვენ სამკურნალო დაწესებულებაში გვემატება, მაგრამ, ისინი ცალკე უნდა განვიხილოთ. ამიტომ 233 შემთხვევა გვაქვს საქართველოში დადასტურებული“, - განაცხადა მარინა ეზუგბაიამ.

მთავრობის მიერ შექმნილ ვებ საიტზე, StopCoV.ge-ზე არსებულ მონაცემებს დაემატა ახალი გრაფა, სადაც საქართველოში სამკურნალოდ უცხოეთიდან გადმოყვანილი საქართველოს მოქალაქეების მაჩვენებელი ჩანს. 

ამასთან, კარანტინის რეჟიმში იმყოფება 4672 ადამიანი, ხოლო სტაციონარში მეთვალყურეობის ქვეშ 373 პირი რჩება.

ცნობისთვის, საქართველოში ახალი კორონავირუსისგან 54 ადამიანი გამოჯანმრთელდა, ხოლო 3 გარდაიცვალა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა