ბრიტანეთის პრემიერ-მინისტრი, ბორის ჯონსონი კორონავირუსის დადასტურებიდან 10 დღის შემდეგ, საავადმყოფოში გადაიყვანეს.

ამის შესახებ ინფორმაციას BBC ავრცელებს.

გამოცემის ინფორმაციით, საგანგაშო არაფერია და აღნიშნული ნაბიჯი მხოლოდ პროფილაქტიკის მიზნით გადაიდგა.

ბორის ჯონსონს ჰოსპიტალში გამოკვლევები ჩაუტარდება. მას კვლავ უნარჩუნდება ვირუსისთვის დამახასიათებელი მუდმივი სიმპტომები, მათ შორის მაღალი ტემპერატურა.

შეგახსენებთ, რომ ბორის ჯონსონს COVID-19 27 მარტს დაუდგინეს, რის შემდეგაც ის ექიმების მეთვალყურეობის ქვეშ თვითიზოლაციაში გადავიდა და ქვეყნის მართვა სახლიდან განაგრძო. გართულებების არქონის შემთხვევაში მას გამოკვლევების ჩატარების შემდეგ ისევ სახლში დააბრუნებენ.

ცნობისთვის, ბორის ჯონსონის გარდა კორონავირუსი დიდი ბრიტანეთის ტახტის მემკვიდრეს, პრინც ჩარლზსაც დაუდგინდა, რომელიც უკვე გამოჯანმრთელდა.

ავტორი: ექსპრესნიუსი,

სოციალური ქსელები

ყაზბეგის საბაჟომ მუშაობა განაახლა

საქართველოს ბანკის მომხმარებლებს Western Union-ის გზავნილებზე 50%-იანი ფასდაკლებით სარგებლობა შეუძლიათ

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება