2020-04-04 10:17:26, 5902 ნახვა
სამხედრო
ირაკლი ძნელაძე: საქართველოში კორონავირუსის პირველივე შემთხვევის დაფიქსირებას თავდაცვის სამინისტროს მხრიდან მყისიერი რეაგირება მოყვა
„თავდაცვის ძალები თავისი ქვედანაყოფებით აქტიურად არის ჩართული ჩვენი მოსახლეობის ჯანმრთელობის დაცვისა და უსაფრთხოების მხარდამჭერ ღონისძიებებში“, - ამის შესახებ საქართველოს თავდაცვის ძალების მეთაურის მოადგილის მოვალეობის შემსრულებელმა ბრიგადის გენერალმა ირაკლი ძნელაძემ ტელეკომპანია POST-TV -ის ეთერში, გადაცემა „პოლიტიკურ პოსტში“ საუბრისას განაცხადა. ბრიგადის გენერალმა ირაკლი ძნელაძემ საქართველოს თავდაცვის ძალებში არსებულ ვითარებაზე და კორონავირუსის გავრცელების პრევენციის მიზნით თავდაცვის უწყების მიერ გატარებულ ღონისძიებებზე ისაუბრა. მისი განცხადებით, ქვეყანაში კორონავირუსის პირველივე შემთხვევის დაფიქსირებას თავდაცვის სამინისტროს მხრიდან მყისიერი რეაგირება და მკაცრი ღონისძიებები მოყვა. „პირველი შეზღუდვა შეეხო მოგზაურობას - იტალია, გერმანია, საფრანგეთი, აზიის ქვეყნები, ამ ქვეყნებში მოგზაურებთან თუ ვინმეს ჰქონდა კონტაქტი, აეკრძალათ სამსახურში მოსვლა და დაევალათ მოეხსენებინათ უშუალო ხელმძღვანელისთვის, რათა შემდეგ ეტაპზე მომხდარიყო მათი სამედიცინო გამოკვლევა უკვე ადგილზე, იზოლაციაში. ამან გარკვეულწილად იმუშავა პირველ ეტაპზე, რათა არ მომხდარიყო ვირუსის შემოღწევა. შემდეგ ეტაპზე გამკაცრდა შემსვლელ - გამომსვლელთა დაშვების რეჟიმი. ყოველდღიურად ხდება ტემპერატურის გაზომვა, სიმპტომების შემოწმება და მხოლოდ ამის შემდეგ ხდება დაშვება ტერიტორიაზე. ასევე აკრძალულია ვიზიტორებისა და მნახველების დაშვება. ჯარი გადასულია ყაზარმულ მდგომარეობაზე, რითაც მინიმუმამდეა დაყვანილი კონტაქტი“, - აღნიშნა გენერალმა. ავტორი: NS (სტატია დაფინანსებულია), პროკურატურამ, ე.წ. ქოლ ცენტრის მეშვეობით დიდი ოდენობით თანხების მოტყუებით დაუფლების ფაქტზე, 2 პირს ბრალდება წარუდგინა
ირაკლი ქარქაშაძე - დაპირება, რომ გაზაფხულზე ქუთაისის აეროპორტის მგზავრებს ქალაქის ცენტრამდე ახალი ავტობუსები მოემსახურებოდა, შესრულებულია
როლანდ ბერიძე ქედის საჯარო სკოლაში სამედიცინო ოთახის გახსნის ღონისძიებას დაესწრო
EURO 2024-თან დაკავშირებით, საქართველოდან გერმანიის მიმართულებით ფრენების სიხშირე იზრდება
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 439 970-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 439 190-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 438 160-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|