"ყველანაირ შეწყალებაზე ზედმეტია საუბარი - არც უდოს შემოთავაზებაზე მოვაწერე ხელი" - წერია რეჟიმის პატიმრის, ანდრო ჭიჭინაძის განცხადებაში, რომელსაც სოციალურ ქსელში მისი ადვოკატი, თორნიკე მიგინეიშვილი ავრცელებს.

"როგორც ჩანს, რამდენიმე თვის წინ გასაგებად ვერ გადმომიცია ჩემი სათქმელი. ამიტომ, კიდევ ერთხელ გავიმეორებ და მეტჯერ ამ საკითხს აღარ დავუბრუნდები.

ყველანაირ შეწყალებაზე ზედმეტია საუბარი — არ მოვაწერ ხელს არანაირ დოკუმენტს, რომელიც ამ საკითხს უკავშირდება.

არ მინდოდა ამაზე ხაზგასმა, მაგრამ, როგორც ჩანს, საჭიროა - რამდენიმე დღის წინ არც უდოს შემოთავაზებაზე მოვაწერე ხელი და ვთქვი უარი. 

ერთადერთი ჩემთვის მისაღები გამოსავალი, რაც შეიძლება იყოს, არის ის, რომ თბილისის სააპელაციო სასამართლომ მიიღოს ობიექტური და მიუკერძოებელი გადაწყვეტილება, როგორსაც მიიღებდა დამოუკიდებელი სასამართლო.

ის ხალხი კი, ვინც ქალის მიმართ დევნას ამართლებთ და უდანაშაულო ადამიანების ციხეში გაშვებას პირდაპირ ითხოვდით, თავდებობით თავს ნუ შეიწუხებთ.

მინდა ხაზგასმით აღვნიშნო, რომ ეს არის მხოლოდ და მხოლოდ ჩემი პოზიცია." -  წერია, ანდრო ჭიჭინაძის განცხადებაში.

ავტორი: ექსპრესნიუსი,

სოციალური ქსელები

ნატო ევროპაში მეორე ლოგისტიკურ ცენტრს ხსნის უკრაინაში იარაღის ტრანზიტისთვის

ჭიჭინაძე: ყველანაირ შეწყალებაზე ზედმეტია საუბარი - არც უდოს შემოთავაზებაზე მოვაწერე ხელი

შვედეთის ხელისუფლებამ რუსული გემი გაჩხრიკა, რომლის მფლობელიც იარაღის გადატანაშია ეჭვმიტანილი

წითელი პომადები ოპოზიციის მხარდასაჭერად, მამაკაცების სოლიდარობით ლუკაშენკოს რეჟიმი ისტერიკაშია