2017-05-31 14:49:10, 2136 ნახვა
პოლიტიკა კომენტარი
ირაკლი სესიაშვილი: ნატო ცდილობს, რუსეთი ცივილიზებულ ჩარჩოებში მოაქციოს
„ნატო ცდილობს, რუსეთი მოაქციოს ცივილიზებულ ჩარჩოებში და რუსეთი ვაიძულოთ, გახდეს იმ საერთაშორისო ნორმის თანამონაწილე, რომლის ფარგლებშიც ჩვენი ტერიტორიული მთლიანობა უნდა აღდგეს“,-ამის შესახებ პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა პარლამენტში განაცხადა.
მისივე თქმით, ილუზიაა, რომ დეპუტატების სურვილით და მცდელობით, რუსეთი საქართველოს ტერიტორიებს ხვალვე დაუბრუნებს.
„თუ ვინმეს აქვს იმის ილუზია, რომ თქვენი, ან თქვენი კოლეგების, ან თუნდაც ჩვენი აქ მყოფი 150 დეპუტატის სურვილით და მცდელობით ხვალვე ბატონი პუტინი ჩვენს ტერიტორიებს დაგვიბრუნებს, დამერწმუნებით ალბათ, ამას არავინ დაიჯერებს“,-განაცხადა ირაკლი სესიაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
