შინაგან საქმეთა სამინისტროსთან პოლიციელის პროფესიული დღისადმი მიძღვნილი ღონისძიება მიმდინარეობს.

ღონისძიებაზე შეკრებილ სამართალდამცველებს მისასალმებელი სიტყვით შს მინისტრმა გიორგი მღებრიშვილმა მიმართა.

მან პოლიციელებს გაწეული სამსახურისთვის მადლობა გადაუხადა და წარმატებები უსურვა.

„2017 წლის 20 აპრილს ევროპოლთან ოპერატიული და სტრატეგიული თანამშრომლობის შესახებ ისტორიული შეთანხმება გავაფორმეთ. ეს იმას ნიშნავს, რომ საქართველოს პოლიცია თავის ადგილს იკავებს ევროპის დიდ საპოლიციო ოჯახში.

ჩემო პოლიციელებო ჩვენი მიღწევები თითოეული თქვენგანის დაუღალავი შრომის, ენთუზიაზმისა და რწმენის შედეგია. მიუხედავად არაერთი ყოველდღიური გამოწვევისა, გვჯერა, რომ ემსახურებით მართალ საქმეს და თქვენი წვლილი შეგაქვთ სიმართლისა და სამართლიანობისთვის ბრძოლაში, ჩვენი ოჯახების, შვილების, ჩვენი მოქალაქეების უკეთესი მომავლისთვის. დიდი მადლობა თქვენ ამისთვის.

ჩვენ, პოლიციელები, ვართ ჩვენი ქვეყნის მსახურები და ეს მუდმივად უნდა გვახსოვდეს. პოლიცია მთელ მსოფლიოში სამოქალაქო საზოგადოება ერთად უნდა ვიბრძოლოთ იმისათვის, რომ ჩვენი სამყარო ბევრად უსაფრთხო და უკეთესი გახდეს“, - განაცხადა გიორგი მღებრიშვილმა.

შს მინისტრმა შინაგან საქმეთა სამინისტროს გამორჩეულ თანამშრომლებს სამსახურებრივი მოვალეობის სანიმუშოდ შესრულების და მიღწეული წარმატებებისთვის ვადამდელი წოდებები მიანიჭა, სამკერდე ნიშნები და მადლობის სიგელები პირადად გადასცა.

ღონისძიების მონაწილეებმა სამსახურებრივი მოვალეობის შესრულების დროს დაღუპული პოლიციელების ხსოვნას წუთიერი დუმილით პატივი მიაგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო