დღეს ვნების კვირის დიდი ხუთშაბათია. სრულიად საქართველოს კათოლიკოს- პატრიარქმა სამების საკათედრო ტაძარში წირვა ჩაატარა. შესრულდა ფეხთბანვის წესიც.
ზუგდიდის მუნიციპალიტეტის გამგებელმა ედიშერ თოლორაიამ, ზუგდიდის რაიონის მკვიდრებს, დიდი სამამულო ომის ვეტერანებს, მრავალშვილიან ოჯახებსა და სოციალურად დაუცველ ოჯახებს სააღდგომო საჩუქრები გადასცა.
ზუგდიდის მუნიციპალიტეტის გამგებლის მოადგილემ გიზო სართანიამ, ზუგდიდის მუნიციპალიტეტის გამგეობის კულტურის, განათლების, სპორტის, ძეგლთა დაცვის, ახალგაზრდულ საქმეთა და სოციალური დაცვის სამსახურის უფროსმა მაია ჩიტაიამ და ზუგდიდის მუნიციპალიტეტის ცენტრალური ბიბლიოთეკის დირექტორმა მადონა მაქაცარიამ, დღეს ჭითაწყარში, ინგირში, დარჩელში, კოკსა და ჯიხაშკარში მცხოვრებ 5 სოციალურად დაუცველ ოჯახს აღდგომის დღესასწაულთან დაკავშირებით საჩუქრად სიმბოლური თანხა გადასცა.
ზუგდიდის მუნიციპალიტეტის გამგებელმა ედიშერ თოლორაიამ, სამეგრელო–ზემო სვანეთის გუბერნატორმა ლევან შონიამ, გუბერნატორის მოადგილე კობა ქანთარიამ, ასევე გუბერნიის და გამგეობის წარმომადგენლებმა, 9 აპრილს დაღუპულთა ხსოვნას პატივი მიაგეს.
შინაგან საქმეთა მინისტრი ვახტანგ გომელაური პრემიერ-მინისტრ ირაკლი ღარიბაშვილთან და მთავრობის წევრებთან ერთად 9 აპრილის მემორიალთან მივიდა.
აჭარის ავტონომიური რესპუბლიკის მთავრობის თავმჯდომარემ არჩილ ხაბაძემ აჭარის უმაღლესი საბჭოს თავმჯდომარემ ავთანდილ ბერიძემ, აჭარის მთავრობის და თვითმმართველობის ხელმძღვანელმა პირებმა და საზოგადოების სხვა წევრებმა 9 აპრილს დაღუპულებს პატივი მიაგეს.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
