რეჯეპ ტაიპ ერდოღანი ვლადიმერ პუტინს Су-24-ის ჩამოგდების გამო, ბოდიში მოუხადა, - აღნიშნული ინფორმაცია რუსეთის პრეზიდენტის პრეს-ატაშემ, დიმიტრი პესკოვმა გაასაჯაროვა. 

ლიბანში აფეთქებების სერიის შედეგად 6 ადამიანი გარდაიცვალა, ხოლო 19 დაშავდა, - ამის შესახებ ინფორმაციას Reuters ავრცელებს.  

დიდ ბრიტანეთში ევროკავშირის წევრობის შესახებ განმეორებითი რეფერენდუმის ჩატარების მოთხოვნით პეტიციას უკვე 3 მილიონამდე ადამიანმა მოაწერა ხელი, - ამის შესახებ BBC იუწყება.

კათოლიკურმა ეკლესიამ ჰომოსექსუალებს მათი შევიწროვების გამო, ბოდიში უნდა სთხოვოს, - ამის შესახებ რომის პაპმა ფრანსიცკმა სომხეთში ვიზიტისას განაცხადა.

ტერორისტულმა დაჯგუფებამ “ისლამურმა სახელმწიფომ” ინტერნეტში ხუთი სირიელი აქტივისტის მკვლელობის ვიდეოკადრები გამოაქვეყნა, - ამის შესახებ Reuters იუწყება. 

ევროკავშირის საგარეო საქმეთა მინისტრები დიდი ბრიტანეთს მოუწოდებენ, ევროკავშირიდან გასვლის პროცესი მალე დაიწყოს. 

ევროკავშირის დამფუძნებელი 6 ქვეყანა დიდ ბრიტანეთს მოუწოდებს, ევროკავშირიდან გასვლის პროცესი რაც შეიძლება მალე დაიწყოს, - ამის შესახებ BBC იუწყება.

შოტლანდია ევროკავშირში დასარჩენად დამოუკიდებლობის შესახებ განმეორებით რეფერენდუმს ჩაატარებს, - ამის შესახებ შოტლანდიის პირველმა მინისტრმა ნიკოლა სტარჯენმა განაცხადა.

ევროკომისიის თავმჯდომარე ჟან-კლოდ იუნკერი არ გამორიცხავს, რომ დიდი ბრიტანეთის მსგავსად, ევროკავშირის წევრობის საკითხზე რეფერენდუმის ჩატარებას სხვა ქვეყნებიც მოისურვებენ, - ამის შესახებ სააგენტო Independent იუწყება.

ვარშავაში დაგეგმილი ევროატლანტიკური კავშირის სამიტის უსაფრთხოების უზრუნველყოფის გეგმის შესახებ ინფორმაციამ გაჟონა, - ამის შესახებ Sputnik News წერს. 

აშშ-ში, შტატ ვირჯინიაში წყალდიდობის შედეგად 20 ადამიანი გარდაიცვალა, მათ შორის 8 წლის ბავშვი, - ამის შესახებ BBC იუწყება.

„დემოკრატიულად მიუღებელია, რომ შოტლანდია ევროკავშირიდან საკუთარი ნების საწინააღმდეგოდ გაყავთ“, - ამის შესახებ შოტლანდიის პირველმა მინისტრმა ნიკოლა სტარჯენმა განაცხადა.