საქართველოს ყოფილი პრემიერ-მინისტრი ბიძინა ივანიშვილი მთავარ პროკურატურაში დაკითხვაზე დაიბარეს.
საქართველოში ანტიტერორისტული, ანტიკრიმინალური სპეცოპერაციის დაწყების აუცილებლობა არ არსებობს,-ამის შესახებ შინაგან საქმეთა მინისტრმა ვახტანგ გომელაურმა საპარლამენტო უმრავლესობის წევრის ნუკრი ქანთარიას განცხადებასთან დაკავშირებით დასმულ კითხვაზე საპასუხოდ ჟურნალისტებს განუცხადა.
ზურაბ ჟვანიას საქმეზე ბრალდებულ ყოფილ მთავარ პროკურორს მამუკა გვარამიასა და სასამართლო ექსპერტიზის ეროვნული ბიუროს უფროსის ყოფილ მოადგილეს როსტომ ლაზარიას აღმკვეთი ღონისძიების სახით 3-3 ათას ლარიანი გირაო შეეფარდა.
საქართველოს სასჯელაღსრულებისა და პრობაციის სამინისტრო მედიაში გავრცელებულ ინფორმაციას, რომ 2015 წლის 5 თებერვლის ღამეს სასჯელაღსრულების N8 დაწესებულებაში იყო არეულობა, რა დროსაც სასწრაფო დახმარების ბრიგადებმა პატიმრები ღუდუშაურის სახელობის ეროვნულ სამედიცინო ცენტრში გადაიყვანეს, არ ადასტურებს.
საქართველოს ფინანსთა სამინისტროს საგამოძიებო სამსახურმა, ყალბი ოფიციალური დოკუმენტების გამოყენებით, სახელმწიფოს კუთვნილი დიდი ოდენობით მიწის ნაკვეთების თაღლითურად დაუფლების, სამსახურებრივი სიყალბისა და სამსახურებრივი უფლებამოსილების ბოროტად გამოყენების ბრალდებით თაღლითთა ორგანიზებულ-დანაშაულებრივი ჯგუფის 5 წევრი დააკავა.
შინაგან საქმეთა სამინისტროს საქართველოში ინტერპოლის ეროვნული ცენტრალური ბიუროს და ანკარას ინტერპოლის ბიუროს თანამშრომლობის შედეგად, ქალაქ ბათუმში ანკარას ინტერპოლის მიერ 2014 წლის 4 ნოემბრიდან წითელი ცირკულარით საერთაშორისო დონეზე ძებნილი, თურქეთის რესპუბლიკის მოქალაქე, 1947 წ. დაბადებული მუსტაფა ბესიკჩი დააკავეს.
შინაგან საქმეთა სამინისტროს ანტიკორუფციული სააგენტოს და სახელმწიფო უსაფრთხოების სააგენტოს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად ჯგუფურად ჩადენილი კომერციული მოსყიდვის ფაქტზე, ამხილეს და დააკავეს „საქართველოს რკინიგზის“ თანამშრომლები 1968 წელს დაბადებული ვასილ გოგოლაძე და 1973 წელს დაბადებული გოჩა კოპაძე.
პროკურატურამ ზ. ჟვანიასა და რ. უსუპოვის გარდაცვალების საქმეზე ყოფილ მთავარ პროკურორს მამუკა გვარამიას და ლევან სამხარაულის სახელობის სასამართლო ექსპერტიზის ეროვნული ბიუროს უფროსის ყოფილ მოადგილეს რ. ლაზარიას ბრალი წარუდგინა.
მთავარი პროკურორის მოადგილის გია გოგაძის მტკიცებით, ქართული მხარე ყველა სახელმწიფოს მიმართავს, სადაც ზურაბ ადეიშვილი იმყოფება, დააკავონ და საქართველოს გადმოსცენ.
საქართველოს იუსტიციის მინისტრის თეა წულუკიანის განცხადებით, ზურაბ ადეიშვილის წითელ ცირკულარში ჩასმის საკითხს ბევრი ადამიანი სკეპტიკურად უყურებდა, თუმცა ნაბიჯები თანმიმდევრულად გადაიდგა და ის დღეს წითელი ცირკულარით ძებნილია.
თბილისის საქალაქო სასამართლომ ე.წ. კორტებთან ჩატარებული სპეცოპერაციის საქმეზე დაკავებულ 11 პირს წინასწარი პატიმრობა შეუფარდა.
გარემოსდაცვითი ზედამხედველობის დეპარტამენტის აღმოსავლეთ ცენტრალური სამსახურის თანამშრომლებმა ე.წ. „ცხელ წერტილებში“ ხე-ტყის გადამამუშავებელი საამქროების დათვალიერების შედეგად, ხაშურის და გორის მუნიციპალიტეტებში 3 არარეგისტრირებული საამქრო გამოავლინეს.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
