კიევის ჰოლოსიევსკის რაიონში შეიარაღებულმა პირმა ცეცხლი გახსნა. წინასწარი ინფორმაციით, უკრაინის ეროვნული პოლიცია იტყობინება, რომ ერთი ადამიანი დაიღუპა და რამდენიმე დაიჭრა. პოლიციის ცნობით, დაღუპულთა რაოდენობა დგინდება.

„უნიანი“, თვითმხილველთა ვიდეოჩანაწერზე დაყრდნობით, იუწყება, რომ სამოქალაქო ტანსაცმელში ჩაცმულმა შეიარაღებულმა პირმა შემთხვევით გამვლელებს ცეცხლი გაუხსნა.

„უკრაინსკა პრავდას“ წყაროების ცნობით, შეიარაღებული პირი მაღაზიაში იმყოფება, მის გარშემო კი პოლიციამ ალყა შემოარტყა.

კიევის მერმა ვიტალი კლიჩკომ ასევე განაცხადა, რომ ცეცხლის გამშვები პირი მაღაზიაში იმყოფება. წინასწარი ინფორმაციით, კლიჩკომ თავის Telegram არხზე დაწერა, რომ „სუპერმარკეტში სროლის ხმაც ისმის“.

კიევის მერის თქმით, სროლის შედეგად დაშავებულთაგან ერთ-ერთი ბავშვია და საავადმყოფოშია გადაყვანილი. „დაჭრილ ზრდასრულებს ადგილზე გასინჯავენ და მკურნალობენ“, - წერს კლიჩკო.

კიევის მერის თქმით, ცნობილია, რომ ორი ადამიანი გარდაიცვალა, რომელთაგან ერთი იმ სუპერმარკეტის დაცვის თანამშრომელი იყო, სადაც შეიარაღებული პირი შეიჭრა. ხუთი დაჭრილი ქალაქის საავადმყოფოებში გადაიყვანეს.

RBK-Ukraine, ადგილობრივ ონლაინ ჯგუფებზე დაყრდნობით, იუწყება, რომ დაღუპულებს შორის ახალგაზრდა ქალია.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო