შსს-ს სამეგრელო-ზემო სვანეთის სამხარეო მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული სამძებრო-საგამოძიებო ღონისძიებების შედეგად, 1994 წელს დაბადებული, საქართველოს მოქალაქე გოგა ჩ. დიდი ოდენობით ყალბი ფულის შეძენა-შენახვისა და გასაღების ბრალდებით სასაზღვრო გამშვებ პუნქტ „წითელ ხიდზე“ დააკავეს.
შსს-ს აჭარის მთავარი სამმართველოს ქობულეთის რაიონული სამმართველოს ჩაქვის პოლიციის განყოფილების თანამშრომლებმა, ჩატარებული ოპერატიულ-საგამოძიებო ღონისძიებების შედეგად, 1977 წელს დაბადებული ზაურ მ. ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით ქობულეთის რაიონის სოფელ ჩაისუბანში დააკავეს.
შსს-ს აჭარის მთავარი სამმართველოს ქობულეთის რაიონული სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, 1983 წელს დაბადებული ბესიკ რ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ქობულეთში, მემედ აბაშიძის ქუჩაზე დააკავეს.
მართმსაჯულების სახლში, ხვალ, 12:00 საათზე, საქართველოს მოსამართლეთა ასოციაციის ეგიდით, „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ საქართველოს კანონში მოსალოდნელ ცვლილებებთან დაკავშირებით, შეხვედრა გაიმართება.
სახალხო დამცველის შეფასებით, 2014 წლის 4 ივლისს საქართველოს პარლამენტის წევრი ლევან ბეჟაშვილი კანონის მოთხოვნათა დარღვევით დააკავეს.
სახალხო დამცველის უჩა ნანუაშვილის შეფასებით, 2013 წელთან შედარებით, ბრალდებულების მიმართ საპატიმრო აღკვეთის ღონისძიებების გამოყენების როგორც რაოდენობრივი, ისე პროცენტული მაჩვენებელი გაიზარდა.
სახალხო დამცველის 2014 წლის ანგარიშში საქართველოს პარლამენტის წევრის, ნუგზარ წიკლაურის, ცემის ფაქტიც მოხვდა.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
