თბილისის მერმა კახა კალაძემ ღამის ეკონომიკის განვითარების პროექტის მნიშვნელობაზე ისაუბრა.

როგორც მან აღნიშნა, პროექტი ახალი სამუშაო ადგილების შექმნას და ტურიზმის განვითარებას შეუწყობს ხელს.

"ძალიან მნიშვნელოვანი მიმართულებაა. ჩვენ ძალიან ბევრს ვსაუბრობდით ეკონომიკურ განვითარებაზე, ქალაქში ეკონომიკური პროექტების განხორციელებაზე და ამ მიმართულების ერთ-ერთი კომპონენტია ღამის ეკონომიკის განვითარება. ჩვენ წარმოვადგინეთ ჩვენი ხედვა, ჩვენი კონცეფცია თუ რა უნდა გაკეთდეს. ამას მხოლოდ მერია ვერ განახორციელებს. მნიშვნელოვანია სხვადასხვა სექტორის წარმომადგენლების ჩართულობა. ასევე მნიშვნელოვანია ბიზნესის აქტიურობა ამ პროექტის განხორციელებაში. ეს ჩვენ მოგვცემს საშუალებას დამატებითი სამუშაო ადგილების შევქმნათ, ხელი შევუწყოთ კონკრეტული რაიონების განვითარებას, უსაფრთხოების საკითხების მოწესრიგებას. საკმაოდ მასშტაბური პროექტია და დარწმუნებული ვარ, რომ ნაბიჯები, რომელიც ჩვენ გვაქვს დაგეგმილი წაადგება დედაქალაქის განვითარებას. ძალიან ბევრი გვექნება სამუშაო. ამ კონკრეტულ პროექტს ბატონი სერგი გვარჯალაძე უხელმძღვანელებს. ჩვენ ახლა პირველ ნაბიჯებს ვდგამთ ამ მიმართულებით, თუმცა ძალიან დიდია ენთუზიაზმი, რომ ეს მიმართულება განვითარდეს რადგან ის მნიშვნელოვანია ქალაქისთვის. ეს არის დამატებითი შემოსავლები, ეს კეთდება ყველა მოქალაქისთვის, ყველა ოჯახისთვის. ამას მოჰყვება ტურისტული განვითარება. უფრო მეტი ტურისტი ჩამოვა. თუ დღეს ტურისტი 2-3 დღე რჩება დედაქალაქში ამის შემდეგ 5-6 დღე დარჩება. ამ პროექტს საკმაოდ სერიოზულად ვუყურებთ. ჩატარდება კვლევა და ამის შემდეგ შევჯერდებით სტრატეგიაზე",-განაცხადა კალაძემ. 

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა