სოციალური ქსელის Facebook-ის დამაარსებელი მარკ ცუკერბერგი, ამერიკის კონგრესის წინაშე წარდგება.

CNN-ის ცნობით, საქმე Facebook-ის მომხმარებელთა პირადი მონაცემების ბოროტად გამოყენებას ეხება.

როგორც ცუკერბერგთან დაახლოებული წყარო ამბობს, Facebook-ის დამფუძნებელი სულ მცირე, ერთ მოსმენას დაესწრება და კონგრესმენების კითხვებს უპასუხებს.

მანამდე, ცუკერბერგმა ბრიტანეთის პარლამენტის წინაშე გამოსვლაზე უარი განაცხადა.

შეგხსენებთ, რომ 18 მარტს, მასაჩუსეტსის შტატის გენერალურმა პროკურორმა მარა ჰელეიმ Facebook-ისა და კომპანია Cambridge Analytica-ს წინააღმდეგ გამოძიება დაიწყო.

სხვადასხვა მედია საშუალებაში  გამოქვეყნდა რამდენიმე გამოძიება Cambridge Analytica-ს საქმიანობაზე, რომელიც დონალდ ტრამპის კამპანიაზე მუშაობდა. ამ მასალების თანახმად, კომპანიამ უკანონოდ მიიღო Facebook-ის 50 მილიონ მომხმარებელზე მონაცემები, რათა უფრო  ეფექტური პოლიტიკური რეკლამა შეექმნა.

Facebook-ის დამაფუძნებელმა მარკ ცუკერბერგმა მომხდარის გამო საჯარო ბოდიში მოიხადა.

ავტორი: ,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს