საზაფხულო საბავშვო ბაღებში რეგისტრაცია მიმდინარე წლის 15 ივნისს, 12:00 საათზე დაიწყება. რეგისტრაციის გავლა თბილისის საბავშვო ბაგა-ბაღების მართვის სააგენტოს ვებ-გვერდზე www.kids.org.ge-ზე იქნება შესაძლებელი. 

წელს, მოსახლეობის მხრიდან გაზრდილი მოთხოვნის გათვალისწინებით, დედაქალაქის მასშტაბით არსებული 164 საბავშვო ბაგა-ბაღიდან, 40 შეირჩა. საზაფხულო ბაღებში, მთლიანობაში, 376 სააღმზდელო ჯგუფი იფუნქციონირებს და მომსახურებას 13 160 აღსაზრდელი მიიღებს. საზაფხულო ბაღები ერთი თვის განმავლობაში - ივლისის თვეში იმუშავებს. 

საზაფხულო ბაღში რეგისტრაციის უფლება ექნება 2-დან 6-წლამდე ასაკის ნებისმიერ ბავშვს, მათ შორის, მათაც, ვისაც უკვე შეუსრულდა 6 წელი და სექტემბრიდან სკოლაში მიდის.

საზაფხულო ბაღში რეგისტრაცია ყველა მსურველისთვის, მათ შორის, აღნიშნული ბაღის აღსაზრდელებისთვისაც სავალდებულოა. 

რეგისტრაცია 29 ივნისს, 24:00 საათზე შეწყდება. 

გთავაზობთ საზაფხულო ბაღების ჩამონათვალი რაიონების მიხედვით:
გლდანი: №35, №48, №153, №186, №205, პირველი ლოგოპედიური; 
დიდუბე: №15, №23, №92; 
ვაკე: №1, №27, №75, №142; 
ისანი: №17, №29, №26, №182, №215;
კრწანისი: №51, №206; 
მთაწმინდა: №170, ტაბახმელა; 
ნაძალადევი: №9 №25, №43, №60, №80;
საბურთალო №63, №171, №198, №212, „იმედი“ (საბურთალო); 
სამგორი №12, №45, №72, №128, №163, №28; 
ჩუღურეთი №34, №5. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა