2016-05-03 15:35:53, 387 ნახვა
პოლიტიკა
თინათინ ხიდაშელი კობა კობალაძეს შეხვდა
საქართველოს თავდაცვის მინისტრმა თინათინ ხიდაშელმა ვეტერანების საქმეთა სახელმწიფო სამსახურის დირექტორს კობა კობალაძეს უმასპინძლა. უწყების პრესსამსახურის ინფორმაციით, თავდაცვის სამინისტროში გამართულ შეხვედრაზე მხარეები ორმხრივი თანამშრომლობის ფორმატზე შეთანხმდნენ. საუბრის ერთ-ერთი მთავარი თემა ვეტერანთა დახმარების საკითხი იყო. გადაწყდა, რომ თავდაცვის სამინისტროს მხარდაჭერით, ამ მიმართულებით, ერთობლივი ღონისძიებები გატარდება.
თავდაცვის მინისტრი და ვეტერანების საქმეთა სახელმწიფო სამსახურის დირექტორი დღევანდელ შეხვედრაზე ასევე შეთანხმდნენ, რომ ახლო მომავალში ავღანეთის ისლამურ რესპუბლიკაში ერთობლივ ვიზიტს განახორციელებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
.png)
epn.ge (@expressnews.ge)
