რუსეთმა ხარკოვის ოლქში, შევჩენკოს სასურსათო ბაზარი დაბომბა. უკრაინული მედია ადგილობრივ ხელისუფლებაზე დაყრდნობით იუწყება, რომ სარაკეტო იერიშის შედეგად დაიღუპა 60 წლამდე ქალი და დაშავდა 7 ადამიანი.

ხარკოვის რეგიონული სამხედრო ადმინისტრაციის თავმჯდომარემ, ოლეგ სინეგუბოვმა Telegram-ზე დაწერა, რომ დაბომბვა S-300 ტიპის რაკეტებით მოხდა.

"გადაუდებელი სამედიცინო დახმარების რეგიონული ცენტრის ინფორმაციით, სარაკეტო თავდასხმის შედეგად 7 მშვიდობიანი მოქალაქე, მათ შორის 13 წლის გოგონა დაშავდა", - წერს სინეგუბოვი.

დაშავებულები საავადმყოფოში უკვე გადაიყვანეს. თავდასხმის ადგილზე საგანგებო სამსახურების თანამშრომლები სამაშველო ოპერაციას ახორციელებენ.

ავტორი: ექსპრესნიუსი,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს