კერძო სამხედრო დანაყოფ "ვაგნერს" დიდი დანაკარგები აქვს, ბახმუტთან მისი შეტევის ტემპი შემცირდა. - ამის შესახებ, ნათქვამია ომის შესწავლის ამერიკული ინსტიტუტის (ISW) მოხსენებაში.

მათი მტკიცებით, ბახმუტის რაიონში რუსეთის წინსვლის ტემპი ბოლო დღეებში შენელდა, თუმცა ჯერ ნაადრევია იმის თქმა, მიაღწია თუ არა რუსეთის შეტევამ ქალაქის აღების კულმინაციას. 

ერთი რუსი ბლოგერი ირწმუნება, რომ უკრაინულმა ძალებმა ვაგნერ ჯგუფის დაქირავებულები უკან დააბრუნეს იმ პოზიციებზე, რომლებიც რამდენიმე დღის წინ დაიკავეს.

მოხსენებაში წერია, რომ უკრაინული სოციალური მედიის წყაროები ადრე აცხადებდნენ, რომ 21 დეკემბერს უკრაინულმა ძალებმა მთლიანად განდევნეს რუსული ჯარები ბახმუტის აღმოსავლეთ გარეუბნებიდან. ISW-ის შეფასებით, ნოემბერსა და დეკემბერში რუსულმა ჯარებმა უფრო ნაკლები შეტევა განახორციელეს ამ მხარეში, ვიდრე ოქტომბერში.

რუსეთის ძალებს, სავარაუდოდ, გაუჭირდებათ შეტევითი ოპერაციების ტემპის შენარჩუნება და შესაძლოა შეეცადონ ტაქტიკური ან ოპერატიული პაუზის დაწყებას, იტყობინება ISW.

ამერიკელი ექსპერტების აზრით, რუსული ძალების ამჟამინდელ ოპერატიულ შესაძლებლობებზე ბახმუტის რაიონში შესაძლოა გავლენა იქონიოს კერძო სამხედრო კომპანია ვაგნერის მძიმე დანაკარგებმა.

ავტორი: ექსპრესნიუსი,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს