"საქართველოს ეკონომიკა გაიზრდება უფრო ნელა, ვიდრე გაიზრდება მთელი მსოფლიო",-ამის შესახებ საპარლამენტო უმცირესობის წევრმა ზურაბ ჯაფარიძემ პარლამენტში განაცხადა.
"საქართველოს ეკონომიკა გაიზრდება უფრო ნელა, ვიდრე გაიზრდება მთელი მსოფლიო.მივჩანჩალებთ სადღაც ბოლოში და ამას უნდოდა მოხერხება მთავრობის მხრიდან, რომ ამისთვის მიეღწია 2 წელიწადში. ყველაფერს რომ თავი დავანებოთ,  ეს არის საკმარისზე მეტი იმისათვის, რომ ხელისუფლებიდან   წავიდნენ",-განაცხადა  ზურაბ ჯაფარიძემ.
საპარლამენტო უმრავლესობის წევრების მიმართ კრიტიკული განცხადება გააკეთა დეპუტატმა ირმა ნადირაშვილმაც:
"თქვენ რომ საერთოდ შუბლის ძარღვის პრობლემა გაწუხებდეთ, დარწმუნებული ვარ, 2012 წელთან შედარებით 358 მილიონით მეტ ხელფასებს და პენსიებს არ აიღებდით.მაშინ როდესაც საარსებო მინიმუმი ახლა არის 95 დოლარი და იყო 76",-აღნიშნა ირმა ნადირაშვილმა.
საპარლამენტო უმრავლესობის წევრის დავით ლორთქიფანიძის განცხადებით კი, სირცხვილია, როცა კანონიერების აღდგენაზე "ნაციონალური მოძრაობის" წარმომადგენლების  საუბრობდნენ.
"საბოლოოდ ვერ ამოგვხადა ქართველ ხალხს სული,  თარგამაძე მყავს მხედველობაში. მართლა სირცხვილია ის კანონიერების აღდგენასთან და სხვა თემებთან მიმართებაში საუბრობდეს",-აღნიშნა დავით ლორთქიფანიძემ.
ცნობისთვის, პარლამენტში სხდომას ვიცე-სპიკერის რანგში გუბაზ სანიკიძე პირველად უძღვებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა

რუსეთში იპოთეკური სესხები 50%-ზე მეტით შემცირდა