ივნისის ბოლოს საქართველოს ციხეებში სულ 12344 პატიმარი იყო  - ამის შესახებ სახალხო დამცველის ყოფილმა მოადგილემ უფლებადამცველმა გიორგი ბურჯანაძემ დაწერა.

მისი ინფორმაციით, 2025 წლის იანვრიდან 2026 წლის ივნისამდე (18 თვეში) პატიმართა რაოდენობა საქართველოში 43%-ით არის გაზრდილი.

"ჯამურად, 12 ადგილია მხოლოდ ციხეში დარჩენილი ივნისის მდგომარეობით. 2025 წლის იანვრიდან 2026 წლის ივნისამდე (18 თვეში) პატიმართა რაოდენობა საქართველოში 43%-ით არის გაზრდილი.

2026 წლის ივნისში 690 პირმა დატოვა ციხე, მაგრამ წინა თვესთან შედარებით მაინც 209 პატიმრით გაიზარდა ციხის პოპულაცია.

№2, №8 და №15 დაწესებულებებში პატიმართა ლიმიტი გადაცილებულია შემდეგი ოდენობებით:
 ქუთაისის #2 ციხის ლიმიტის 34%-ით (788 პატიმრით) მეტი, გლდანის #8 ციხის ლიმიტის 32%-ით (796 პატიმრით) მეტი, ქსნის #15 ციხის ლიმიტის 56%-ით (364 პატიმრით) მეტი" - წერს გიორგი ბურჯანაძე.

საქსტატის უახლესი მონაცემებით, 2026 წლის 1 ივლისის მდგომარეობით, საქართველოს ციხეებში სულ 12 344 პატიმარი იმყოფებოდა. 

ეს მაჩვენებელი ქვეყნისთვის რეკორდულად მაღალია და პენიტენციური სისტემის არსებული ადგილების თითქმის 100%-იან გადატვირთვას (დარჩენილია მხოლოდ 12 თავისუფალი ადგილი) ნიშნავს. 2025 წლის იანვრიდან 2026 წლის ივნისამდე (18 თვეში) პატიმართა რაოდენობა ქვეყანაში 43%-ით გაიზარდა.

ამ მაჩვენებლებით საქართველო 100 000 მოსახლეზე პატიმართა სიმრავლით ევროპის საბჭოს წევრ ქვეყნებს შორის მოწინავე პოზიციებზეა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს