"ქართული ოცნების" სამთავრობო-პროპაგანდისტული მედია ბოლო დროს ხშირად წერს დანიაში მომხდარი ინციდენტის შესახებ და ამით ცდილობენ, საქრთველოში ადამიანთა წამება და საქართველოს მოქალაქეების წინააღმდეგ ქიმიური იარაღის გამოყენება გაამართლონ, საქმე იმ აბსურდამდეც მივიდა, რომ რეჟიმის პრემიერ მინისტრმა ირაკლი კობახიძემ სპეციალური ბრიფინგი მოიწვია სადაც ამ საკითებზე ისაუბრა.

ოცნების პრემიერ-მინისტრი ირაკლი კობახიძე სწუხრს დანიაში ადამიანის უფლებების მდგომარეობით, რეჟიმის წარმომადგენელი მიმართავს ევროკომისიის პრეზიდენტ ურსულა ფონ დერ ლაიენს, ევროპული საბჭოს პრეზიდენტ ანტონიუ კოშტასა და ევროპარლამენტის პრეზიდენტ რობერტა მეცოლას.

კობახიძეს აინტერესებს, როგორ აფასებენ ევროპული ლიდერები იმ ძალადობას, რომლიც რეჟიმის წარმომადგენელის მტკიცებით, დანიის დედაქალაქ კოპენჰაგენში განვითარდა, როდესაც მშვიდობიანი დემონსტრაციის მონაწილეებს ჯერ ხელკეტებით გაუსწორდნენ, შემდეგ კი მათ წინააღმდეგ ძაღლები გამოიყენეს?

რა მოხდა კოპენჰაგენში

დიახ, დანიის პოლიციამ კოპენჰაგენში გამართული საპროტესტო აქციის დასაშლელად ხელკეტებთან ერთად სპეციალურად გაწვრთნილი ძაღლები (K9 ქვედანაყოფები) გამოიყენა.

საპროტესტო აქცია გამართეს გარემოსდაცვითი და ომის საწინააღმდეგო მოძრაობის (მათ შორის Den Grønne Ungdomsbevægelse / „მწვანე ახალგაზრდული მოძრაობა“) აქტივისტებმა. ისინი სატრანსპორტო გიგანტის, Maersk-ის სათავო ოფისის შესასვლელების ბლოკირებას ახდენდნენ და კომპანიას ისრაელისთვის იარაღის შესაძლო ტრანსპორტირებაში ადანაშაულებდნენ.

სამართალდამცველებმა ბლოკადის გასარღვევად ძალისმიერი მეთოდები გამოიყენეს. გავრცელებულ კადრებში ჩანს, რომ პოლიციელები მჯდომარე დემონსტრანტებისა და პრესის წარმომადგენლების წინააღმდეგ იყენებენ ხელკეტებს და მათ დასაშლელად საპოლიციო ძაღლებს უშვებენ.

პოლიციამ შენობის შესასვლელების გათავისუფლების შემდეგ 20-მდე აქტივისტი დააკავა, რომლებსაც ტერიტორიაზე უკანონო შეღწევის (Trespassing) მუხლით წაუყენეს ბრალი.

დაახლოებით 100-დან 200-მდე აქტივისტმა მოახერხა შენობის მთავარი შესასვლელებისა და ჭიშკრების სრული ბლოკირება. რამდენიმე მათგანი შენობის სახურავზეც კი ავიდა.

ბლოკადის გამო, Maersk-ის ასობით თანამშრომელი დაახლოებით 3 საათის განმავლობაში ვერ ახერხებდა სამუშაო ადგილებზე შესვლას და გარეთ, წვიმაში უწევდათ ლოდინი, სანამ პოლიციამ ტერიტორია არ გაათავისუფლა.

აქტივისტებმა მიაღწიეს სათავო ოფისის დროებით ნაწილობრივ ბლოკირებას (3 საათით), მაგრამ Maersk-ის, როგორც მსოფლიოს ერთ-ერთი უმსხვილესი სატრანსპორტო გიგანტის, საერთო ბიზნეს-საქმიანობა არ შეჩერებულა.

დანიის სამართალდამცავი უწყებების განცხადებით, კოპენჰაგენში პოლიციის მხრიდან ძალის გამოყენება იყო არა მომიტინგეებზე მიზანმიმართული ძალადობა, არამედ „კანონიერი და პროპორციული იძულების ღონისძიება“ არალეგალური ბლოკადის

პოლიციის განმარტებით, აქცია მიმდინარეობდა კომპანია Maersk-ის კერძო ტერიტორიაზე. მომიტინგეებმა მოახდინეს შენობის შესასვლელების ბლოკირება, რითაც დაარღვიეს საზოგადოებრივი წესრიგი და თანამშრომლებს მუშაობის უფლება შეუზღუდეს. სამართალდამცველების თქმით, მათ აქტივისტებს რამდენჯერმე მისცეს გაფრთხილება და ტერიტორიის ნებაყოფლობით დატოვება შესთავაზეს. მას შემდეგ, რაც დემონსტრანტებმა უარი თქვეს ბრძანების შესრულებაზე, პოლიციამ გამოიყენა კანონით ნებადართული ძალა (ხელკეტები და ძაღლები) შენობის გასათავისუფლებლად.

მასმედიის წარმომადგენლების მხრიდან გამოთქმულ პრეტენზიებზე (რომ პოლიციამ ჟურნალისტებსაც დაარტყა), უწყება აცხადებს, რომ დაშლის დროს პერიმეტრიდან ყველას სთხოვდნენ უკან დახევას და სპეცოპერაციის ზონაში მყოფი ნებისმიერი პირი საფრთხის ქვეშ დგებოდა.

პარლამენტის მემარცხენე და მწვანეთა პარტიებმა მთავრობისგან მოითხოვეს განმარტებები, თუ რატომ გამოიყენა პოლიციამ მშვიდობიანი გარემოსდამცველების წინააღმდეგ ძაღლები და ხელკეტები.

აქციამ კიდევ ერთხელ აიძულა დანიის საგარეო საქმეთა სამინისტრო, მკაფიო პოზიცია დაეკავებინა ისრაელთან სამხედრო და ეკონომიკური თანამშრომლობის საკითხზე. მიუხედავად იმისა, რომ მთავრობა იცავს კერძო კომპანიების უფლებას აწარმოონ ლეგალური ვაჭრობა, საზოგადოებრივი წნეხი იარაღის კომპონენტების ტრანსპორტირების აკრძალვაზე სულ უფრო იზრდება.

მიუხედავად კრიტიკისა, დანიის სამთავრობო კოალიციამ და იუსტიციის სამინისტრომ სრული მხარდაჭერა გამოუცხადეს პოლიციას. მათი განცხადებით, სახელმწიფო არ დაუშვებს, რომ რომელიმე აქტივისტთა ჯგუფმა პარალიზება გაუკეთოს ქვეყნის უმსხვილეს გადამხდელ კომპანიებს და დაარღვიოს კერძო საკუთრების ხელშეუხებლობის კანონი.

საბოლოო ჯამში, ინციდენტმა დანიის ხელისუფლება უხერხულ მდგომარეობაში ჩააყენა, თუმცა მთავრობამ შეინარჩუნა ხაზი, რომ ნებისმიერი არალეგალური ბლოკადა მკაცრად აღიკვეთება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას