ივანიშვილის რეჟიმს როგორც ჩანს საქართველოს მოსახლეობის უფრო გაღატაკება აქვს გადაწყვეტილი. „ოცნების“ წარმომადგენელს ირაკლი კობახიძეს ჰქონია, რომ ქვეყანაში ეკონომიკური თვალსაზრისით იმდენად კარგადაა საქმე, რომ სოციალურად დაუცველი ოჯახები ახალი მეთოდოლოგიით უნდა გადამოწმდენ, რაც შეიძლება ნაკლები ტვირთი იყოს ხალხი ხელისუფლებისთვის.

სავარაუდოდ, მომავალი წლიდან, სოციალურად დაუცველი ოჯახები ახალი მეთოდოლოგიით გადამოწმდებიან.

როგორც ჯანდაცვის მინისტრის მოადგილემ, ირინა წაქაძემ განაცხადა, დიდი ალბათობით, ახალი მეთოდოლოგია ძალაში მომდევნო წლიდან შევა.

"ზოგადად, არის რეკომენდაცია, რომ ოჯახების გადამოწმების მეთოდოლოგია 5 წელიწადში ერთხელ განახლებას უნდა დაექვემდებაროს. ბოლო რამდენიმე წლის, 5 წელზე მეტი ხნის განმავლობაში, ეს მეთოდოლოგია არ განახლებულა. ამიტომ ჩვენ ვფიქრობთ, რომ წლის ბოლომდე უნდა შევიმუშავეთ განახლებული მეთოდოლოგია, რათა კიდევ უფრო მიზანმიმართულად მივმართოთ სახსრები, რომლებიც სოციალურად დაუცველი ოჯახებისთვის არის გათვალისწინებული. დიდი ალბათობით, ეს ახალი მეთოდოლოგია უკვე მომდევნო წლიდან შევა ძალაში. მსოფლიო ბანკი გვეხმარება ამაში ადამიანური კაპიტალის პროგრამის ფარგლებში", - განაცხადა წაქაძემ.

რეალურად სიღარიბის მაჩვენებელი მკვეთრად შემცირდა, მაგრამ ამას არ გაჰყვა კონკრეტული ნაბიჯები სოციალური დახმარების გადახედვასთან დაკავშირებით. ჩვენ ჩავიხედეთ ამ საკითხში, მივიღეთ გადაწყვეტილება გადახედვის თაობაზე და ამაზე აქტიურად მუშაობს ჯანდაცვის სამინისტრო, - ამის შესახებ ირაკლი კობახიძემ განაცხადა. 

როგორც მთავრობის მეთაურმა აღნიშნა, იყო ერთგვარი მორატორიუმი 2020 წლის შემდეგ.

„რეალურად სიღარიბის მაჩვენებელი მკვეთრად შემცირდა, მაგრამ ამას არ გაჰყვა კონკრეტული ნაბიჯები სოციალური დახმარების გადახედვასთან დაკავშირებით. ჩვენ ჩავიხედეთ ამ საკითხში, მივიღეთ გადაწყვეტილება გადახედვის თაობაზე და ამაზე აქტიურად მუშაობს ჯანდაცვის სამინისტრო. უკვე გვაქვს პირველადი მონაცემები და რეალურად ჩანს ძალიან კარგად, რომ სიღარიბის კლებისა და ეკონომიკური ზრდის მაჩვენებელი პირდაპირ აისახება მოსახლეობის მდგომარეობაზე. ეს ჩანს უკვე პირველადი გადახედვის მონაცემებით, რომელიც წარმოადგინა ჯანდაცვის სამინისტრომ", - განაცხადა ირაკლი კობახიძემ.

დავთვალოთ რეალური მაჩვენებელი და ცხოვრების დონე საქართველოში

2026 წლის მაისის მონაცემებით, საქართველოში სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების რაოდენობა 180 ათასს აღემატება, ხოლო მათში შემავალი წევრების (მოქალაქეების) რიცხვი 700 000-ს აჭარბებს. ეს ნიშნავს, რომ ქვეყნის მოსახლეობის თითქმის ყოველი მეხუთე მოქალაქე სოციალური დახმარების მოლოდინში ან მიღების რეჟიმშია. 2026 წელი ამ მიმართულებით გარდამტეხი აღმოჩნდა, რადგან მთავრობამ სისტემის ძირეული რეფორმა და ბაზების მასშტაბური გადამოწმება დაიწყო.

ბაზაში ირიცხება 379 957 ბავშვი (სახალხო დამცველის უახლესი ანგარიშის მიხედვით).

2026 წლის მაისში საქართველოს პრემიერ-მინისტრის ხელმოწერით ძალაში შევიდა ახალი დადგენილება „ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის შესახებ“. ცვლილების მთავარი პრინციპებია:

ავტომატური გამორიცხვა: თუ 3 თვის განმავლობაში ოჯახის ერთ წევრზე გაანგარიშებით ყოველთვიური შემოსავალი (ხელფასი) 1 250 ლარს ან მეტს შეადგენს, ოჯახი ავტომატურად კარგავს სტატუსს.

შემოწმების გამარტივება: სტატუსის შეწყვეტა მოხდება სოციალურ-ეკონომიკური მდგომარეობის ხელახალი ფიზიკური შეფასების (აგენტების ვიზიტის) გარეშე, პირდაპირ შემოსავლების სამსახურის ბაზებზე დაყრდნობით.

არასამთავრობო სექტორი, სახალხო დამცველი და დამოუკიდებელი ეკონომისტები 2026 წლის სოციალურ რეფორმასა და არსებულ სისტემას რამდენიმე ფუნდამენტური მიზეზით აკრიტიკებენ. მთავარი პრეტენზია უკავშირდება იმას, რომ ბაზების მექანიკური წმენდა და ახალი ფინანსური ფილტრები ვერ აქრობს სიღარიბის გამომწვევ რეალურ მიზეზებს.

2026 წელს მიღებულმა 1250-ლარიანმა ლიმიტმა და ბაზების მასშტაბურმა გადამოწმებამ საზოგადოებრივ და პროფესიულ წრეებში მწვავე დისკუსია გამოიწვია. კრიტიკოსები რამდენიმე ძირითად პრობლემაზე ამახვილებენ ყურადღებას:

ინფლაცია და მსყიდველობითი უნარი: 1 250 ლარიანი ზღვარი არ ითვალისწინებს ქვეყანაში არსებულ რეალურ ინფლაციას. პროდუქტებზე, მედიკამენტებსა და კომუნალურ მომსახურებაზე ფასების ზრდის ფონზე, ეს თანხა ოჯახს სიღარიბიდან რეალურად ვერ აქრობს, სტატუსის მოხსნა კი მათ კიდევ უფრო მოწყვლადს ხდის.

• მეთოდოლოგიის ხარვეზები (ქულების სისტემა): მოქმედი სარეიტინგო სისტემა ხშირად სუბიექტურია. ოჯახს სტატუსი შეიძლება მოეხსნას ტექნიკის (მაგ. მეორადი სარეცხი მანქანის ან ტელევიზორის) ფლობის ან თუნდაც ახლობლის მიერ გამოგზავნილი ერთჯერადი დახმარების გამო, რაც არ ნიშნავს გრძელვადიან ეკონომიკურ სტაბილურობას.

ბავშვთა სიღარიბის იგნორირება: სახალხო დამცველის აპარატის კრიტიკით, ოჯახისთვის სტატუსის ავტომატური შეწყვეტა ყველაზე მძიმედ ბავშვებზე აისახება. ბაზიდან ამორიცხვა ნიშნავს ბავშვისთვის განკუთვნილი ყოველთვიური დანამატის დაკარგვასაც, რაც პირდაპირ ზრდის არასრულწლოვანთა არასათანადო კვებისა და განვითარების რისკებს.

სეზონური და არაფორმალური დასაქმება: ბევრი სოციალურად დაუცველი დასაქმებულია სეზონურად (მაგ. მშენებლობაზე ან სოფლის მეურნეობაში). 3 თვის განმავლობაში მიღებული შედარებით მაღალი შემოსავლის გამო სტატუსის ავტომატური გაუქმება მათ წლის დანარჩენ თვეებში, როცა სამუშაო აღარ აქვთ, სრულიად უსახსროდ ტოვებს.

სამუშაო ადგილების ხარისხი: კრიტიკოსები აღნიშნავენ, რომ სახელმწიფო დასაქმების პროგრამები ბენეფიციარებს ხშირად სთავაზობს დაბალკვალიფიციურ და დაბალანაზღაურებად სამუშაოს, რაც ადამიანებს მუდმივად დაბალი შემოსავლის ხაფანგში ტოვებს და არ აძლევს საშუალებას, რეალურად განვითარდნენ ეკონომიკურად.

ძველი, ხშირად ნათხოვარი ან მეორადი საყოფაცხოვრებო ტექნიკის (მაგ. მაცივარი, სარეცხი მანქანა) ფლობა ფორმალური პარამეტრებით ზრდის ოჯახის კეთილდღეობის ინდექსს. მეთოდოლოგია ნივთის არსებობას ფუფუნებად მიიჩნევს და არ ითვალისწინებს, რომ ოჯახს ელემენტარული საკვების ფული არ აქვს.ემიგრანტების გზავნილები: უცხოეთიდან ოჯახის წევრის მიერ ავადმყოფი მშობლისთვის წამლის საყიდლად გამოგზავნილი ერთჯერადი ან არარეგულარული თანხა ახალი მეთოდოლოგიით ხშირად მუდმივ შემოსავლად ფიქსირდება, რაც სტატუსის დაკარგვის მიზეზი ხდება.

გაეროს ბავშვთა ფონდი (UNICEF) ხაზს უსვამს, რომ საქართველოში ბავშვები უფრო მეტად დგანან სიღარიბის საფრთხის წინაშე, ვიდრე მოსახლეობის სხვა რომელიმე ჯგუფი. ორგანიზაციის პოზიციით, ქვეყანას ჯერ კიდევ არ გააჩნია სრულფასოვანი, ბავშვზე ორიენტირებული და მგრძნობიარე სოციალური დაცვის სისტემა, რომელიც ოჯახებს ეკონომიკური შოკების დაძლევაში დაეხმარება.

UNICEF მიიჩნევს, რომ სოციალური დახმარების სისტემა უნდა აფასებდეს არა მხოლოდ ოჯახის ზოგად მატერიალურ მდგომარეობას, არამედ უშუალოდ ბავშვის მრავალგანზომილებიან საჭიროებებს (კვება, განათლება, ჯანდაცვა).

სახელმწიფო ბენეფიციარებს სთავაზობს დაბალანაზღაურებად და არასტაბილურ სამუშაო ადგილებს (მაგ. მეეზოვე, დამლაგებელი). ახალი მეთოდოლოგია აიძულებს ადამიანს დათანხმდეს ამ სამუშაოს, თუმცა მიღებული მინიმალური ხელფასი მათ სიღარიბიდან ვერ აძლიერებს, სტატუსის დაკარგვით კი ისინი უფასო ჯანდაცვასა და სხვა სოციალურ შეღავათებსაც კარგავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება

დამოუკიდებლობა შენი გადაწყვეტილებაა -თიბისი - 33 წელი დამოუკიდებელ საქართველოსთან ერთად

ინტენსიურმა წვიმამ დედაქალაქის სხვადასხვა რაიონში გარკვეული პრობლემები შექმნა