დაკავებული მსახიობის ლევან ჯიბღაშვილის ადვოკატი ამირან გიგუაშვილი აცხადებს, რომ მისთვის ჯერჯერობით უცნობია, რა რაოდენობის ნარკოტიკი ამოიღეს მისი დაცვის ქვეშ მყოფის ავტომობილიდან. 

ამასთან, როგორც ადვოკატმა აღნიშნა, ლევან ჯიბრაშვილი არ უარყოფს იმ ფაქტს, რომ ჩანთა, რომელშიც აკრძალული ნივთიერება იყო, მისი მანქანიდან ამოიღეს. დაცვის მხარე ამბობს, რომ ჯიბღაშვილი გამოძიებასთან თანამშრომლობს. 

"ლევან ჯიბღაშვილი მისი შემოწმების პროცესიდან დრემდე აქტიურად ეხმარება გამოძიებას, იმისათვის რომ დადგინდეს ყველა ნიუანსი. ის არასდროს უარყოფდა, რომ ჩანთა, რომელშიც აკრძალული ნივთიერება იყო, მისი მანქანიდან ამოიღეს. დანარჩენ დეტალებს და ინფორმაციას, თუ ვის ეკუთვნოდა ჩანთა და რატომ იყო ჩემი დაცვის ქვეშ მყოფის მანქანაში, გამოძიებას მივაწვდენთ. ნარკოტიკების ოდენობის შესახებ ინფორმაციას ველოდები", - განაცხადა ამირან გიგუაშვილმა. 

მსახიობი მცხეთის დროებითი მოთავსების იზოლატორში იმყოფება, სადაც მას ბრალს ოფიციალურად წარუდგენენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს