„რა ლოგიკაა, როცა გრაფიკი შეგიძლია გააკეთო, გადაიხადო, ამით ვალი შეიმცირო და უფრო ძვირს იხდი ქრთამად? ამიტომ ვამბობ, აბსურდია და რაც მეტი ჩანაწერი იქნება, მით უფრო აბსურდული გახდება ეს ქეისი“, - ამის შესახებ ფინანსთა მინისტრმა, ივანე მაჭავარიანმა, მთავრობის სხდომის დასრულების შემდეგ გამართულ ბრიფინგზე განაცხადა.

მინისტრის განმარტებით, „ომეგა ჯგუფთან“ დაკავშირებული ფარული ჩანაწერები დამონტაჟებულია. მფლობელებს კი, გრაფიკის სახით იმის მცირედი თანხაც, რომ შემოეთავაზებინა, უწყება დავალიანებას გადაუვადებდა.
„უარის შემდეგ, შემოსავლების სამსახურს გაუჭირდებოდა, ახალი რამე გრაფიკი მიეღო. ამ კომისიის

არშეკრება ნიშნავდა, რომ კარი იყო ღია „ომეგასთვის“, თუ მას რაიმე სახით ვალის შემცირება უნდოდა. მართალია დადასტურდა, რომ „ომეგასთან“ დაკავშირებით გავრცელებული ჩანაწერი მონტაჟია, მაგრამ წავიდეთ ამ დაშვებით – რა მილიონებზეც იქ არის ლაპარაკი, გრაფიკის სახით იმის მცირედი თანხაც რომ შემოეთავაზებინა, ჩვენ ვუვადებდით. რომ ნახოთ ციფრები, ბევრად დაბალია, ვიდრე ის შეთავაზებები, რაც იმ სატელეფონო საუბრებშია. ამიტომ რა ლოგიკაა, როცა გრაფიკი შეგიძლია გააკეთო, გადაიხადო, ამით ვალი შეიმცირო და უფრო ძვირს იხდი ქრთამად? ამიტომ ვამბობ, აბსურდია და რაც მეტი ჩანაწერი იქნება, მით უფრო აბსურდული გახდება ეს ქეისი, დამერწმუნეთ ამაში, თქვენ თვითონ დარწმუნდებით“, – განაცხადა ივანე მაჭავარიანმა.

ავტორი: ,

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს