სასტუმრო „რუმს თბილისში“, საქართველოს ფინანსთა სამინისტრომ, ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა და გაერთიანებული სამეფოს კარგი მმართველობის ფონდმა (UK Good Governance Fund/GGF) მეოთხე კატეგორიის საწარმოების ფინანსური ანგარიშგების პროექტის პრეზენტაციას უმასპინძლეს.

შეხვედრაზე, ასევე, ფინანსური ანგარიშგების სტანდარტის დანერგვის, პოტენციური სარგებლისა და ძირითადი მოთამაშეების შესახებ დისკუსია გაიმართა.

მოწვეულ სტუმრებს მისასალმებელი სიტყვით მიმართეს საქართველოს ფინანსთა მინისტრის მოადგილემ, ნიკოლოზ გაგუამ, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსმა, იური დოლიძემ და ბრიტანეთის საელჩოს რეგიონული  პორტფოლიოს ხელმძღვანელმა, ბენ ლუკოკმა.

პრეზენტაცია საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ტექნიკური დახმარების პროექტის - „ფინანსური აღრიცხვისა და ანგარიშგების გაუმჯობესება მე-4 კატეგორიის საწარმოებისთვის“ ფარგლებში გაიმართა. 

პროექტი ითვალისწინებს ფინანსური ანგარიშგების ახალი, გამარტივებული სტანდარტის შემუშავებას, რომელიც „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, სამსახურმა უნდა დაადგინოს 2018 წლის 1 ივლისამდე.

მთავარი სარგებელი, რასაც ზემოაღნიშნული სტანდარტის დანერგვა მოუტანს მეოთხე კატეგორიის საწარმოებს:

• ფინანსებზე ხელმისაწვდომობის ზრდა;

• ბიზნესის შემდგომი განვითარება; 

• ფინანსური ანგარიშგების ხარისხის ზრდა;

• კანონით გათვალისწინებული მოთხოვნების შესრულება.

ღონისძიება გაიმართა ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ინიციატივით, ბრიტანეთის მთავრობის კარგი მმართველობის ფონდის მხარდაჭერითა და საქართველოს სავაჭრო-სამრეწველო პალატასთან პარტნიორობით. 

პრეზენტაციას დაესწრნენ სახელმწიფო უწყებების, საქართველოში მოქმედი ბანკების, პროფესიული ასოციაციების, აკადემიური ინსტიტუტების, სავაჭრო-სამრეწველო პალატისა და მეოთხე კატეგორიის საწარმოების წარმომადგენლები.  

(NS)

ავტორი: ,

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს