ევროკავშირის მიმდინარე პროექტის - ,,მერები ეკონომიკური ზრდისთვის" ფარგლებში, დღეს შუახევში, ჭვანის ადმინისტრაციული ერთეულის ცენტრში, ქედის, შუახევისა და ხულოს მერების სამუშაო შეხვედრა გაიმართა.

შეხვედრის მიზანი იყო შემუშავებული გეგმის თანახმად, სამივე მუნიციპალიტეტისთვის, ინტერმუნიციპალური პროექტების შექმნა და სამომავლო ნაბიჯების განსაზღვრა.

,,საკმაოდ ნაყოფიერი შეხვედრა გამოგვივიდა. ვფიქრობ, რომ სამომავლოდ ძალიან ბევრი საჭირო და საინტერესო პროექტების განხორციელებას შევძლებთ ერთობლივი ძალისხმევით. მადლობა ევროკავშირის სამდივნოს ამ შესაძლებლობისთვის და ასევე, ჩვენს პარტნიორ ორგანიზაციებს: CENN -ს, ქედის ადგილობრივი განვითარების ჯგუფს, დემოკრატიის ინსტიტუტს (IOD), რომლებმაც მუნიციპალიტეტს აღმოუჩინეს მხარდაჭერა და წაახალისეს დაგეგმვის პროცესი" - აღნიშნა შეხვედრის შემდგომ, ქედის მერმა ლევან გორგილაძემ.

შეხვედრაზე დღის წესრიგით განიხილეს სამივე მუნიციპალიტეტის ტურისტული პოტენციალი და ახალი სერვისების შექმნის შესაძლებლობები, რომელზეც შეხვედრის მონაწილეებს სიღრმისეული ინფორმაცია მიაწოდა შპს,,ქედის ტურისზმის ხელშეწყობის განვითარების ცენტრი"-ს დირექტორმა და პროექტის LED- ოფიცერმა, რაულ ცინცაძემ.

შეგახსენებთ, რომ ,,მერები ეკონომიკური ზრდისთვის" მთავარ მისიას მდგრადი ადგილობრივი ეკონომიკური განვითარება წარმოადგენს და ევროკავშირის ამ ინიციატივას ქედის მუნიციპალიტეტი 2018 წლის ოქტომბრიდან შეუერთდა, ხოლო შუახევისა და ხულოს მუნიციპალიტეტები, გასულ წელს.

ადგილობრივი ეკონომიკური განვითარების გეგმა, რომელიც წელს მსოფლიო ბანკმა ტექნიკური შეფასების გზით დაამტკიცა, საქართველოში ერთადერთ ინტერმუნიციპალური გეგმაა და მისი მთავარი მიზანია: სასოფლო-სამეურნეო წარმოების ზრდა (ადგილობრივი ფერმერებისთვის დამატებითი სერვისების შეთავაზებით); ერთობლივი ტურისტული მარშრუტების შექმნა („ჩანჩქერის ბილიკი“); ადგილობრივი მცირე და საშუალო საწარმოებისთვის ბიზნეს მხარდაჭერის სერვისების შექმნა.

ავტორი: NS (სტატია დაფინანსებულია),

სოციალური ქსელები

EU-ის საელჩო ადასტურებს ფორმულას ინფორმაციას, რომ პაველ ჰერჩინსკის მანდატი გაუხანგრძლივა

ცხინვალის რეგიონში მიმდინარეობს რუსი პროპაგანდისტის ძებნა, რომელიც მდინარე ლიახვში ჩავარდა

ზელენსკი „ასოცირებული წევრობის“ იდეას უსამართლოდ მიიჩნევს - Reuters

ამერიკელი სენატორები ორივე პარტიიდან, პენტაგონისგან უკრაინისთვის დახმარების დაჩქარებას მოითხოვენ.