მდინარაძე სააკაშვილის ახალ თანამდებობაზე - მდივნობისას შესაძლოა ყავის მოდუღებაც არ გამოუვიდეს კარგად პიარშიკების გარეშე

2020-05-06 15:25:19, 1486 ნახვა

კომენტარი

„მდივნობისას შესაძლოა ყავის მოდუღებაც არ გამოუვიდეს კარგად პიარშკების გარეშე“, - ასე გამოეხმაურა უმრავლესობის დეპუტატი, მამუკა მდინარაძე სააკაშვილის უკრაინის რეფორმების საბჭოს აღმასრულებელი კომიტეტის თავმჯდომარედ შესაძლო დანიშვნის საკითხს.

მანვე დაამატა, რომ კრიმინალის დანიშვნა არ შეიძლება მეგობარი ქვეყნის პოლიტიკურ ხელისუფლებაში.

„სააკაშვილთან დაკავშირებით რაც შემიძლია ვთქვა, მე მინდა უკრაინის რადას და ჩვენ კოლეგებს მადლობა გადავუხადო კეთილგონიერებისთვის და ჩვენი პოზიციის იმგვარად გაზიარებისთვის, რაც შემდეგ მათ სფიჩებშიც გამოიხატა. სხვადასხვა მიზეზების გამო მისი კანდიდატურის განხილვა არ მოხდა და ერთ-ერთი ფაქტორი ჩვენი მიმართვებიც იყო, როდესაც ვუთხარით, რომ კრიმინალის დანიშვნა არ შეიძლება მეგობარი ქვეყნის პოლიტიკურ ხელისუფლებაში. ახლა მას თუ მრჩევლად, კონსულტატად და მდივნად დანიშნავენ, ეს ნამდვილად აღარ ვიცი იმიტომ, რომ მდივნობისას შესაძლოა ყავის მოდუღებაც არ გამოუვიდეს კარგად პიარშიკების გარეშე“, - განაცხადა მამუკა მდინარაძე.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან