2023-06-05 17:43:21, 1555 ნახვა

---

მარკ მილი - უკრაინა ძალიან კარგად არის მომზადებული, თუმცა ნაადრევია იმაზე საუბარი, თუ რა შედეგები მოჰყვება კონტრშეტევას

უკრაინა რუსეთის წინააღმდეგ კონტრშეტევებისთვის ძალიან კარგად არის მომზადებული, - ამის შესახებ ამერიკელმა, გენერალმა მარკ მილმა CNN-თან საუბრისას განაცხადა.  

მისივე თქმით, უკრაინა არის ომში, რომელიც ეგზისტენციალური საფრთხეა, როგორც უკრაინისთვის, ასევე მთელი მსოფლიოსთვის.

მარკ მილი აღნიშნავს, რომ მიუხედავად კარგად მომზადებისა, ნაადრევია იმაზე საუბარი, თუ რა შედეგები მოჰყვება კონტრშეტევებს.

"უკრაინა ომშია, რომელიც ეგზისტენციალური საფრთხეა უკრაინისთვის და გაცილებით დიდი მნიშვნელობა აქვს დანარჩენი მსოფლიოსთვის - ევროპისთვის, ამერიკისთვის, თუმცა ასევე დანარჩენი მსოფლიოსთვის", - თქვა მარკ მილმა.

შეგახსენებთ, 3 ივნისს უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა კონტრშეტევების დასაწყებად მზადაა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი