ზვიად ქორიძე: პრეზიდენტმა შეიწყალა ლევან ბობოხიძე და არავითარ შემთხვევაში არ განგვიხილავს აკაკი ბობოხიძის ძმის საკითხი

2015-07-25 16:03:34, 459 ნახვა

პოლიტიკა

„პრეზიდენტმა შეიწყალა ლევან ბობოხიძე და არავითარ შემთხვევაში არ განგვიხილავს აკაკი ბობოხიძის ძმის საკითხი“,-ასე გამოეხამურა შეწყალების კომისიის თავმჯდომარე ზვიად ქორიძე „ნაციონალური მოძრაობის“ წევრის აკაკი ბობოხიძის ძმის შეწყალებასთან დაკავშირებულ საკითხს.
როგორც ქორიძემ აღნიშნა, პრეზიდენტმა ლევან ბობოხიძის შეწყალებაზე გადაწყვეტილება კომისიის დადებითი რეკომენდაციის საფუძველზე მიიღო.
„პრეზიდენტმა შეიწყალა ლევან ბობიხიძე და არავითარ შემთხვევაში არ განგვიხილავს საქართველოს პარლამენტის წევრის, აკაკი ბობოხიძის ძმის შეწყალების საკითხი. ეს არის არსებითი განსხვავება. ეს არ იყო პრეზიდენტის ექსკლუზიური გადაწყვეტილება, თუმცაღა, მოგეხსენებათ, რომ მას აქვს უფლება ექსკლუზიურად შეიწყალოს მსჯავრდებული. პრეზიდენტმა სწორედ იმისთვის შექმნა შეწყალების კომისია, რომ არ გაჩნდეს კითხვის ნიშნები საზოგადოებაში, ვინაიდან, როგორც წესი, ექსკლუზიურ უფლებებს კითხვის ნიშნები ახლავს. პრეზიდენტ მარგველაშვილის მიერ შექმნილი შეწყალების დღევანდელი კომისია, განსხვავებით წინა კომისიებისგან, მართლა რეალურად მუშაობს და თითოეულ მსჯავრდებულთან დაკავშირებით გადაწყვეტილებას დიდი პასუხისმგებლობით იღებს. შეწყალება არის წყალობა, შეწყალება არ არის ჯილდო, შეწყალება არ არის სამართლის აღდგენა. შეწყალებას, თვითონ სიტყვა გვეუბნება, რომ მხოლოდ პრეზიდენტი და სხვა ვერავინ ვერ გაიღებს და გაიღებს იმ მსჯავრდებულების წინაშე, რომლებიც ამ წყალობას იმსახურებენ. რაც შეეხება უშუალოდ აღნიშნული მსჯავრდებულების საქმეს, რომელთა შეწყალებაზეც პრეზიდენტმა გადაწყვეტილება კომისიის დადებითი რეკომენდაციის საფუძველზე მიიღო, ცოტა უცნაური იქნებოდა მას ეთქვა: ეს ადამიანები იმიტომ უნდა დავტოვოთ ციხეში, რომ "ნაციონალურ მოძრაობასთან" არიან დაკავშირებულნი ან ერთ-ერთი მსჯავრდებული "ნაციონალური მოძრაობის" წევრის ძმა არისო",-განაცხადა ზვიად ქორიძემ.

ამასთან, როგორც ზვიად ქორიძემ პრესკონფერენციაზე განმარტა პრეზიდენტი და შეწყალების კომისია პოლიტიკურ გადაწყვეტილებებს არ იღებს.
"მინდა ჟურნალისტებს და თქვენი მეშვეობით საზოგადოებას გესაუბროთ რა არის შეწყალება, შეწყალების მექანიზმები და რატომ სჭირდება თანამედროვე, დემოკრატიული სახელმწიფოს ჩამოყალიბებას ჰუმანური მიდგომები და ზოგადად ჰუმანიზმის პრინციპი, რომელსაც, ჩემი აზრით, საკმაოდ ეფექტიანად იყენებს პრეზიდენტი მარგველაშვილი. შეწყალების მექანიზმი არ არსებობს იმიტომ, რომ მან გამოასწოროს მართლმსაჯულების სისტემაში არსებული ხარვეზები.
შეწყალების კომისია სამართალს არ აღასრულებს. ეს არ არის დიდი ჟიური. შეწყალების კომისია გადაწყვეტილებას იღებს შეწყალების თაობაზე და არა იმაზე, რომ აღასრულოს სამართალი. ჩვენი ყველა გადაწყვეტილება არის კომისიის წევრთა სერიოზული განსჯის, კამათის და ბჭობის შედეგი. კომისია არც სამართალს აღასრულებს და არც პოლიტიკურ გადაწყვეტილებებს იღებს. როდესაც ჩვენ ვბჭობთ, ჩვენ ვიხილავთ საქმესთან დაკავშირებულ დეტალებს, მაგრამ ჩვენ არ ვიხილავთ იმ პოლიტიკურ თემებს, რომლებიც შეიძლება ამა თუ იმ საქმესთან იყოს დაკავშირებული. სწორედ ამიტომ ჩემთვის უცნაური იყო, როცა გუშინ

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან