6 თვეში ოჯახში ძალადობისთვის 5 000-ზე მეტი შემაკავებელი ორდერი გამოიცა

2019-09-25 11:57:36, 2196 ნახვა

სამართალი

ადამიანის უფლებათა დაცვისა და გამოძიების ხარისხის მონიტორინგის დეპარტამენტის 6-თვიანი ანგარიშის თანახმად, ოჯახში ძალადობის ფაქტებზე 5 000-ზე მეტი შემაკავებელი ორდერი გამოიცა.

აქედან 3 000-ზე მეტ შემთხვევაზე გამოძიებაა დაწყებული. ამასთან, 3%-მა შემაკავებელი ორდერი დაარღვია.

გარდა ამისა, დეპარტამენტის ანგარიშის თანახმად, სექსუალური დანაშაულის შესახებ მიმართვიანობა გაზრდილია და აღნიშნულ დანაშაულზე 6 თვის განმავლობაში 90-ზე მეტი პირია პასუხისგებაში მიცემული.

"ეს აიხსნება ორი გარემოებით - ერთის მხრივ, საზოგადოების ცნობიერება მნიშვნელოვნად არის გაუმჯობესებული და მეორე მხრივ, სამართალდამცველების მიმართ ნდობა უფრო მეტად არის გაზრდილი. ოჯახში ძალადობისა და ქალთა მიმართ ძალადობის საქმეებზე 2019 წლის პირველ 6 თვეში გამოცემულია 399 შემაკავებელი ორდენი, რაც მნიშვნელოვნად აღემატება 2018 წლის ანალოგიურ პერიოდს. ასევე გამოძიება არის დაწყებული 3000-ზე მეტ სისხლის სამართლის საქმეზე. რაც შეეხება სექსუალური ტიპის დანაშაულებს, ამ მიმართულებითაც გამოვლენის მაჩვენებლები მნიშვნელოვნად გაქვს გაზრდილი, სულ დაფიქსირდა 204 ფაქტი, რომელთა შორისაც სჭარბობს გარყვნილი ქმედებისა და არასრულწლოვანთან წინასწარ შეცნობით გარყვნილი ქმედების შეღწევის ქმედებები. რაც შეეხება, დისკრიმინაციული ნიშნით ჩადენილ დანაშაულებს, გამომძიებლებს მნიშვნელოვანი პროგრესი აქვთ საქმეში, დისკრიმინაციული მოტივის გამოვლენისა და იდენტიფიცირების მიმართულებით. რა თქმა უნდა, ამ მიღწევებთან ერთად გვაქვს გამოწვევებიც, ერთი მხრივ გაგრძელდება გამომძიებელთან გადამზადება და სპეციალიზება და მეორე მხრივ, ვგეგმავთ საკანონმდებლო ცვლილებებს, ოჯახში ძალადობის საკითხებზე, გვინდა დავნერგოთ ელექტრონული ზედხედველობის მექანიზმი, რაც გულისხმობს, რომ მოძალადეზე ელექტრონული ზედამხედველობა განხორციელდება", - აღნიშნა ადამიანის უფლებათა დაცვის სამმართველოს უფროსმა გოგა ხატიაშვილმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,