გოცირიძე: მოსამართლეობის კანდიდატებს, ალბათ ჰგონიათ „ყველა ხელისუფლებისთვის საჭირო ვართო“, მაგრამ არ ხართ საჭირო!

2019-09-23 11:28:52, 2129 ნახვა

სამართალი

მოსამართლეობის კანდიდატებს, ალბათ, გულში ეცინებათ - „ჩვენ, ყველაფრის მკადრებლები, ყველა ხელისუფლებისთვის საჭირო ვართო“, მაგრამ არ ხართ საჭირო, - ამის სესახებ „ნაციონალური მოძრაობის“ ერთ-ერთმა ლიდერმა რომან გოცირიძემ ჟურნალისტებს განუცხადა.

მისი განცხადებით, მომავალი ხელისუფლება სასამართლო რეფორმას ფუნდამენტურად განახორციელებს.

„ამ მოსამართლეებს ჰგონიათ, რომ როგორც ემსახურებოდნენ ყველა ხელისუფლებას, ასევე დასჭირდება მომავალ ხელისუფლებას. ამიტომ, ალბათ, ეცინებათ გულში, რომ ჩვენ - ყველაფრის მკადრებლები - ყველა ხელისუფლებისთვის საჭირო ვართ. არ ხართ საჭირო, მომავალი ხელისუფლება სასამართლო რეფორმას ფუნდამენტურად განახორციელებს და არც ერთი ეს ადამიანი, რომელსაც დღეს დიდი ალბათობით დაამტკიცებს პარლამენტი, მომავალ სასამართლო სისტემაში ვერ დარჩებიან“, - განაცხადა რომან გოცირიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან