პარლამენტის დამოუკიდებელი დეპუტატი ეკა ბესელია შინაგან საქმეთა სამინისტროს ბრიფინგს, სადაც მისი პირადი ცხოვრების ამსახველი კადრების პირველი გამავრცელებლები დაასახელეს, გამოეხმაურა.

ბესელიას თქმით, მაშინ, როდესაც ამ ადამიანის შესახებ ინფორმაცია რამდენიმე თვის წინ გავრცელდა, ჩნდება კითხვა, რატომ აქამდე არავინ არაფერი მოიმოქმედა.

„სომხეთის ციხეში მყოფი ამ პატიმრის თაობაზე ჩვენ ვიცოდით ეს რამდენიმე თვეა უკვე და მე მახსოვს, რომ „რუსთავი 2"-ის ეთერში გავიდა ინტერვიუ სწორედ ამ პატიმართან. მაშინ ეს არავინ ჩათვალა სერიოზულად და აქამდე რატომ არ იყო ბრალი წარდგენილი ამ ადამიანისთვის, ეს ერთი კითხვა, მეორე, მე როცა საგამოძიებო მასალებს გავეცანი, ვიკითხე, იყო თუ არა ეს ადამიანი დაკითხული და მითხრეს, რომ ელოდებოდნენ სომხეთიდან მასალებს, რომ ჩვენი გამომძიებელი არ შეუშვეს და მას არ მისცეს უფლება დაეკითხა ეს პატიმარი და ეს ფაქტიც ასევე უცნაურია. ბოლოს რამდენიმე დღის წინ კიდევ გადავამოწმე, იყო თუ არა სომხეთიდან რაიმე ინფორმაცია ამ პატიმართან დაკავშირებით და პროკურატურამ მითხრა, რომ ეს პატიმარი ჩვენებას არ იძლეოდა. მთავარი კითხვა დავსვი, იყო თუ არა ეს პირველი წყარო, საიდანაც მოხდა ამ უკანონო ქმედების განხორციელება და მითხრეს, რომ ეს არ არის პირველი წყარო. ეს იძლევა საფუძველს, რომ ეს ინფორმაცია სერიოზულად მივიღოთ?“, - განაცხადა ეკა ბესელიამ.

ცნობისთვის, შსს-მ ეკა ბესელიას პირადი ცხოვრების კადრების გავრცელების ფაქტზე, 2 პირს ბრალი წარუდგინა. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა