მეცხრე არხის ყოფილი გენერალური დირექტორი ლუბა ელიაშვილი ტელეკომპანია "რუსთავი 2"-ის გარშემო განვიტარებულ მოვლენებს ეხმაურება. 

როგორც ელიაშვილმა "კურიერთან" ინტერვიუში განაცხადა, როდესაც ტელევიზიას აქვს მაღალი რეიტინგი და მფლობელი მაინც მის გენერალურ დირექტორს ცვლის, მას პოლიტიკური მიზნები აქვს. ელიაშვილის შეფასებით, ბიზნესმენი ქიბარ ხალვაში, რომელიც საჯარო რეესტრმა "რუსთავი 2"-ის ახალ მფლობელად დაარეგისტრირა, პარტია "ქართული ოცნების" თავმჯდომარე ბიძინა ივანიშვილზეა დამოკიდებული. 

"ნიკა გვარამიამ შესანიშნავი წარმატებული მედია შექმნა.  ქიბარ ხალვაში არის სრულიად დამოკიდებული იმ ადამიანზე, ვისაც ღიად გამოუთქვამს სურვილი „რუსთავი 2-ის“ დახურვის და ეს გახლავთ ბიძინა ივანიშვილი. მოვა დრო, როდესაც ეს სტაფი, რომელიც დღეს აქ არის და ნიკა გვარამია, დასჭირდება ქიბარ ხალვაშს იმისთვის, რომ თავი შეინარჩუნოს და დაიცვას იმ ადამიანისგან, ვისზეც ჰგონია, რომ დღეს თუ საქმეს აკეთებს სამუდამოდ დაიმეგობრებს. ბიძინა ყველა თავის მეგობარს ბოლოს ემტერება", - განაცხადა ჟურნალისტმა. 

ელიაშვილი მიიჩნევს, რომ „რუსთავი 2“-ის თანამშრომლებმა არ უნდა დატოვონ ტელეკომპანია და ისევე კრიტიკული სიუჟეტების მომზადება გააგრძელონ. 

„არ დატოვოთ და არ წახვიდეთ ტელევიზიიდან, იძულებული გახადეთ, რომ გაგყაროთ. აკეთეთ თქვენი საქმე პატიოსნად, როგორც კი ხელს შეგიშლიან, ხმამაღლა თქვით ეს ყველაფერი, გახადეთ იძულებული, როგორც ნიკასთან მოუწიათ, ისე გაგაგდონ თქვენ, ამით მხოლოდ სახელს მოიხვეჭთ თქვენ“, - აღნიშნა ლუბა ელიაშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა