„ბატონო ივანიშვილო, ეს იქნება სამშობლოს ღალატი, ოღონდ იქნება თქვენი სამშობლოს ღალატი და არა ჩვენი. თქვენი სამშობლო - რუსეთის ღალატი იქნება, თუკი გახარია გადადგება და აუცილებლად გადადგება“, - ამ სიტყვებით მიმართა „ერთიანი ნაციონალური მოძრაობის“ წევრმა ნიკა მელიამ „ქართული ოცნების“ თავმჯდომარეს ბიძინა ივანიშვილს.

ნიკა მელიას შეფასებით, ივანიშვილის დღევანდელი განცხადებებით ცხადი გახდა, რომ შსს ერთ ადამიანზეა აწყობილი, ხოლო ეს ადამიანი ოლიგარქს ემსახურება. 

„დღეს ჩვენ ვიხილეთ უკიდურესად გაღიზიანებული, მშფოთველი და შეშინებული ოლიგარქი, რომელიც ხვდება, რომ კარგავს ხელისუფლებას და ამ ფორმით ცდილობს თავისი მცირერიცხოვანი აქტივისტების გამხნევებას. ივანიშვილი დღეს საჯაროდ და დემონსტრაციულად გადაეფარა ჯალათ გახარიას, რითიც გაამართლა მისი მოქმედებები 20 ივნისს და, ამავე დროს, ირიბად დაადასტურა, რომ უმოწყლოდ დარბევის და დაშლის ბრძანება გასცა მან და სადამსჯელო ოპერაციის ყველა ეტაპი მასთან შეთანხმებული იყო. ივანიშვილმა დღეს პირველად, საჯაროდ და დემონსტრაციულად განაცხადა, რომ შსს არის თავიდან ბოლომდე პოლიტიზირებული. ეს თქვა მან დღეს სიამაყით და ისიც დაამატა, რომ ერთ ადამიანზეა მთელი ეს სისტემა აგებული და ეს ადამიანი ემსახურება ოლიგარქს.
ივანიშვილმა დღეს მოახერხა და განაცხადა, რომ გახარია მაგარი კაცია და მისი თანამდებობიდან გადაყენება სამშობლოს ღალატი იქნებოდა.  აქ ნამდვილად უნდა დავეთანხმო: ბატონო ივანიშვილო, ეს იქნება სამშობლოს ღალატი, ოღონდ იქნება თქვენი სამშობლოს ღალატი და არა ჩვენი. თქვენი სამშობლო რუსეთის ღალატი იქნება, თუკი გახარია გადადგება და აუცილებლად გადადგება“, - განაცხადა ნიკა მელიამ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა