"ბიძინა ივანიშვილმა უპრეცედენტო გადაწყვეტილება გაახმოვანა. გვქონდა მსჯელობა ამ საკითხზე და გუნდი სრულად უჭერს მხარს ამ გადაწყვეტილებას", - ამის შესახებ პრემიერ-მმინისტრმა მამუკა ბახტაძემ განაცხადა

პრემიერის თქმით, დაიწყება დიალოგი ყველა იმ პოლიტიკურ ძალასთან, რომელიც პატივს სცემს საქართველოს კონსტიტუციას. 

"რაც ვიხილე, რომ საქართველოში არიან ახალგაზრდები, რომლებსაც აქვთ მზაობა აიღონ პასუხისმგებლობა და საზოგადოებასაც აქვს ჯანსაღი განცდა, რომ ჩვენ პოლიტიკურ ცხოვრებაში გვჭირდება მეტი ახალი სახე. აქედან გამომდინარე, ჩვენი ინიციატივა გულისხმობს, რომ მინიმალური ზღვარით მოხდეს შემდეგი არჩევნების ჩატარება, რაც საშუალებას მოგვცემს უფრო მეტი პარტია იყოს წარმოდგენილი პარლამენტში. ეს კიდევ უფრო გააძლიერებს ჩვენს მთავარ ხედვას, რომ საქართველოს სრულფასოვნად უნდა ჩამოყალიბდეს დემოკრატიას", - აღნიშნა ბახტაძემ.

მისი თქმით, მოლაპარაკებებში არ ჩართავენ იმ პოლიტიკურ ძალებს, რომლებიც კონსტიტუციის ჩარჩოებიდან გავიდნენ. 

„ჩვენ ვსაუბრობთ მხოლოდ იმ პოლიტიკოსებთან, რომლებიც პატივს სცემს ამ ქვეყნის მომავალსა და კონსტიტუციას. იმათ ვისი ქცევაც იყო პროვოკაციული, რომლებიც მოტივირებული არიან მუდამ, რომ გავიდნენ კონსტიტუციური ჩარჩოებიდან მათთან ბუნებრივია, დიალოგი არ იქნება, მათ კანონი გასცემს პასუხს“, - აცხადებს პრემიერი.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა