„რუსეთის წილხვედრი ქვეყანა“ - მოქალაქეები ანტიქართული განწყობის მქონე დეპუტატის ვიზიტს აპროტესტებენ

2019-06-19 18:54:37, 1219 ნახვა

საზოგადოება

სახელმწიფო ცერემონიების სასახლესთან ანტიქართული განწყობის მქონე რუსი დეპუტატის სერგეი გავრილოვის საქართველოში ვიზიტს აპროტესტებენ.

როგორც აქციის მონაწილეები აცხადებენ, გავრილოვი რუსეთის დუმის დეპუტატია და ის აფხაზეთის ომში ქართველების წინააღმდეგ იბრძოდა.

მათ ადგილზე ბანერები აქვთ მიტანილი, წარწერებით: "რუსეთის წილხვედრი ქვეყანა", "სირცხვილი მთავრობას", "გავრილოვი КГБ-შნიკია", "რუსეთი კლავს".

აქციაში 100-მდე ადამიანი მონაწილეობს. ადგილზე სამართალდამცველები არიან მობილიზებული. მომიტინგეებმა შენობაში შესასვლელი კარის პიკეტირება მოახდინეს და ავტომობილებს მოძრაობის საშუალებას არ აძლევენ.

აქცია "რუსეთი ოკუპანტიას" მიერ არის ორგანიზებული.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან