სააპელაციო სასამართლოს მოსამართლის ლევან მურუსიძის განცხადებით, ის მზად არის იუსტიციის საბჭოს წინაშე სანდრო გირგვლიანის საქმესთან დაკავშირებით ყველა კითხვას პასუხი გასცეს.

ამასთან, მურუსიძის განმარტებით, გირგვლიანის საქმეზე სხვა გადაწყვეტილების მიღება შეუძლებელი იყო. 

"რასაც მე მედავებიან, ეს თითიდან გამოწოვილია და აბსურდულია სამართლებრივი კუთხით. მზად ვარ, საქართველოში სისხლის სამართლის საქმის მცოდნე ადამიანები შეიკრიბონ და მოხდეს ლევან მურუსიძის ერთგვარი გასამართლება ამ საკითხზე, რათა ერთხელ და სამუდამოდ მომეცეს საშუალება, რომ დავამტკიცო სიმართლე. ადამიანმა, რომელმაც მსჯავრდებულებს მივუსაჯე 7 წელი, არ ვარ ამ საქმეში მთავარი დამნაშავე და არ არის ლევან მურუსიძე ის ადამიანი, რომელმაც გირგვლიანის მკვლელები გაუშვა ციხიდან. მორალით შესაძლოა, ერთნაირად ვფიქრობდეთ, თუმცა საბოლოოდ მაინც კანონიდან გამოვდივართ", - განაცხადა მურუსიძემ. 

მისივე თქმით, გირგვლიანის საქმეზე კიდევ ორი მოსამართლე მუშაობდა, თუმცა მათ მიმართ პრეტენზია არავის არასდროს გამოუთქვამს. 

ცნობისთვის, ლევან მურუსიძესთან გასაუბრება უვადოდ გამწესებასთან დაკავშირებით, იუსტიციის საბჭოში ამ წუთებში მიმდინარეობს.

ავტორი: ,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა