„2008 წლიდან 2012 წლამდე გაიხსენეთ, როგორი დაპირებები გვქონდა მაშინდელი ხელისუფლების მხრიდან, რომ ხვალ საქართველოს მიიღებენ ნატო-ში, ხვალ საქართველოს ექნება MAP-ი. მერე, როცა MAP-ი ვერ მივიღეთ, იყო განცხადება, რომ საქართველომ MAP-ზე უკეთესი მიიღო. აი, ასეთ ილუზიებში ცხოვრობდა ჩვენი საზოგადოება“, - ამის შესახებ საქართველოს საგარეო საქმეთა მინისტრმა დავით ზალკალიანმა ჟურნალისტებს თბილისის საერთაშოროსო აეროპორტში განუცხადა.

როგორც მან აღნიშნა, ნატო-სთან ინტეგრაციის კუთხით დღეს საქართველოს სერიოზული პროგრესი აქვს.

„არავითარ შემთხვევაში არ მივიღებ ოპონენტების კრიტიკას არც ევროკავშირთან მიმართებაში და არც ნატოსთან მიმართებაში. 2008 წლიდან 2012 წლამდე გაიხსენეთ, როგორი დაპირებები გქონდა მაშინდელი ხელისუფლების მხრიდან, რომ ხვალ საქართველოს მიიღებენ ნატოში, ხვალ საქართველოს ექნება მაპ-ი. მერე, როცა მაპ-ი ვერ მივიღეთ, იყო განცხადება, რომ საქართველომ მაპ-ზე უკეთესი მიიღო. აი, ასეთ ილუზიებში ცხოვრობდა ჩვენი საზოგადოება, მაგრამ საზოგადოება დღეს ძალიან კარგად ხედავს რა ნაბიჯებს დგამს ჩვენი ხელისუფლება და ეს ყველაფერი არჩევნების დროს გამოჩნდება. საზოგადოებამ 2012-ში და 2014-ში ეს არჩევანი ორჯერ უკვე გააკეთა. ნატოსთან ინტეგრაციის კუთხითაც გვაქვს სერიოზული პროგრესი. ჩვენ გერმანიასთან ამაზე საუბარი გვქონდა. არის თანხმობა იმასთან დაკავშირებით, რომ საქართველოს აქვს ყველა პრაქტიკული ინსტრუმენტი ალიანსში გასაწევრიანებლად“, -განაცხადა დავით ზალკალიანმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა