ჩვენ ვაკვირდებით მოვლენებს, ვაკვირდებით იმ კანდიდატებს,  რომლებიც დარეგისტრირდებიან და შესაბამისად მივიღებთ გადაწყვეტილებებს, - ამის შესახებ საქართველოს პრემიერ-მინისტრმა მამუკა ბახტაძემ ჟურნალისტებს საპრეზიდენტო კანდიდატებთან დაკავშირებული კითხვის კომენტირებისას განუცხადა.

როგორც მთავრობის მეთაურმა აღნიშნა, "ქართულ ოცნებაში" არის ბევრი კანდიდატი, რომელიც ღირსეულ შედეგს დააფიქსირებს ნებისმიერ არჩევნებზე და საზოგადოებამ ეს იცის. 

პრემიერ-მინისტრის განცხადებით, გუნდში აღნიშნულ საკითხთან დაკავშირებით მიმდინარეობს განხილვა და შესაბამისი გადაწყვეტილება იქნება მიღებული.

„ჩვენ არაერთხელ ავხსენით, თუ რაში გამოიხატება ჩვენი მიდგომა და კიდევ ერთხელ გიდასტურებთ, რომ ჩვენ ვაკვირდებით მოვლენებს, ვაკვირდებით იმ კანდიდატებს,  რომლებიც დარეგისტრირდებიან და შესაბამისად მივიღებთ გადაწყვეტილებებს. ისიც აღვნიშნეთ, რომ გუნდში მიმდინარეობს არა მხოლოდ კომუნიკაცია, არამედ, დისკუსია ამ საკითხზეც და მე თვითონაც არაერთხელ გავაკეთე განმარტება ამ საკითხთან დაკავშირებით. "ქართული ოცნების" ფილოსოფია გახლავთ საქართველოში საპარლამენტო დემოკრატიის და საპარლამენტო რესპუბლიკის მშენებლობა. აქედან გამომდინარე, ორივე პოზიციას პარტიაში აქვს თავისი არგუმენტები. ვინაიდან გვაქვს კონსტიტუციური უმრავლესობა პარლამენტში, შეიძლება ჩვენი დემოკრატიული განვითარებისთვის უკეთესი იყოს, რომ საპრეზიდენტო არჩევნებში არ მიიღოს მმართველმა ძალამ მონაწილეობა, თუმცა, ამასთან ერთად, რა თქმა უნდა, მეორეს მხრივ, არსებობს პოზიცია, რომ პარტია აუცილებლად უნდა იყოს წარმოდგენილი თავისი კანდიდატით ამ არჩევნებზე. ჩვენ დავაკვირდებით მოვლენებს და მივიღებთ შესაბამის გადაწყვეტილებას", - განაცხადა მამუკა ბახტაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა