პარლამენტის თავმჯდომარე ირაკლი კობახიძემ პრემიერ-მინისტრთან მამუკა ბახტაძესთან, თბილისის მერთან კახა კალაძესთან, პარლამენტის წევრებთან და საქართველოში ვიზიტით მყოფ პოლონეთის, ლიეტუვის და ლატვიის საგარეო საქმეთა მინისტრებთან და უკრაინის ვიცეპრემიერთან ერთად 2008 წლის აგვისტოს ომის მე-10 წლისთავთან დაკავშირებით, მუხათგვერდის ძმათა სასაფლაოზე, ომში დაღუპული გმირების ხსოვნას პატივი მიაგო და გმირთა მემორიალი გვირგვინით შეამკო.

კობახიძემ აღნიშნა, რომ დაღუპულმა გმირებმა სიამაყის საფუძველი დატოვეს. 

„დღეს შესრულდა 10 წელი  რუსეთ-საქართველოს ომის დაწყებიდან. აგვისტოს დღეებმა ჩვენ დაგვიტოვა ძალიან დიდი ტკივილი, ძალიან მძიმე მოგონებები, ადამიანური ტრაგედიები, დაგვიტოვა დაკარგული ტერიტორიები, თუმცა, ასევე დაგვიტოვა სიამაყის განცდა და ეს სიამაყის განცდა პირველ რიგში დაკავშირებულია ჩვენს გმირებთან, რომლებსაც დღეს პატივს მივაგებთ. ჩვენ მადლობა უნდა გადავუხადოთ ჩვენს სამხედროებს, მოხალისეებს, თითოეულ იმ ადამიანს, რომელიც გულანთებული იდგა ათი წლის წინ ჩვენი ქვეყნის დამოუკიდებლობის დასაცავად.  ჩვენი ვალია მათ წინაშე, რომ  ყველაფერი გავაკეთოთ იმისათვის, რომ ვიბრძოლოთ ჩვენი ქვეყნის დამოუკიდებლობისათვის და ტერიტორიულ მთლიანობის აღდგენისათვის", -განაცხადა პარლამენტის თავმჯდომარემ. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა