საქართველოს ყოოფილი მთავარი პროკურორის ირაკლი შოთაძის განცხადებით, მირზა სუბელიანის გადადგომის არანაირი სამართლებრივი საფუძველი არ არსებობდა. 

ამასთან, შოთაძის თქმით, სუბელიანმა ითანამშრომლა გამოძიებასთან და შვილის დაკითხვას დაესწრო.

კომისიის წევრების მხრიდან ყოფილი მთავარი პროკურორის მიმართ დაისვა შეკითხვა, გასცა თუ არა მან განკარგულება, რომ დადგენილიყო სუბელიანის როლი მომხდარ ფაქტში, რაზეც ირაკლი შოთაძემ განმარტა, რომ რადგან ბავშის მამა იყო პროკურატურის თანამშრომელი, პირველ რიგში მან გასცა განკარგულება, დადგენილიყო რა როლი ჰქონდა არასრულწლოვანს მკვლელობის ნაწილში:

„ვინაიდან ჩვენი თანამშრომლის შვილი ფიგურირებდა, გავეცი მე კონკრეტული მითითება, მაგრამ იმ მითითების გაცემა, რომ გამოიკვეთოს ბრალდებული მითუმეტეს მკვლელობის საქმეზე,  იქ ჩემი ჩარევის საჭიროება არა არსებობს და არ არსებობს არც ერთ შემთხვევაში. მაგრამ ამ შემთხვევაში იყო კონკრეტული ფაქტი, სადაც საუბარი იყო მირზა სუბელიანის შვილის შესაძლო მონაწილეობაზე და ჩემთვის განსაკუთრებული ინტერესის ობიექტს წარმოადგენდა. ჩემი მოსაზრება დღევანდელი გადმოსახედიდან ის არის, რომ ჩატარდა ყველსა საგამოძიებო მოქმედება და დადგინდა, რომ მირხა სუბელიანის შვილს არანაირი შემხებლობა არ ჰქონდა ჩადენილ მკვლელობასთან. ეს არის ჩემი პასუხი“, - აღნიშნა შოთაძემ. 

გარდა ამისა, კომისიის წევრები დაინტერესდნენ, რამდენად სწორი გადაწყვეტილება მიიღო სუბელიანმა, როდესაც თანამდებობა დატოვა.

„რაც შეეხება კონკრეტულად ამ ფაქტს, მირზა სუბელიანმა მოგვმართა განცხადებით გადადგომაზე და მე დავუკმაყოფილე ეს განცხადება. ეს იყო მისი გადაწყვეტილება და არ ვაპირებ ამის შეფასებას... მე რომ ვყოფილიყავი მირზა სუბელიანის ადგილზე, მეც მივიღებდი ანალოგიურ გადაწყვეტილებას, რათა პროკურატურა ამერიდებინა შესაბამისი ზიანისგან,“ - განაცხადა ირაკლი შოთაძემ.

რაც შეეხება, სუბელიანის განცხადებას, რომლის თანახმადაც ირაკლი შოთაძემ მას უთხრა, რომ გადადგომას ჩქარობდა, ყოფილმა მთავარმა პროკურორმა აღნიშნული განცხადების გაკეთება დაადასტურა. 

„მე მიმაჩნდა, რომ მირზა სუბელიანის გადადგომის არანაირი სამართლებრივი საფუძველი არ არსებობდა,“ - განაცხადა ირაკლი შოთაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა