საპარლამენტო უმრავლესობის წევრი ვანო ზარდიაშვილი პარტია "ქართული ოცნების" თავმჯდომარის ბიძინა ივანიშვილის გუშინდელ ინტერვიუს ეხმაურება.

როგორც ზარდიაშვილმა აღნიშნა, ივანიშვილი სამშობლოზე შეყვარებული ადამიანია და მას ქვეყნის განვითარება სურს.

"ვისურვებდი, რომ გუშინდელი გულწრფელი ინტერვიუ ბატონი ბიძინა  ივანიშვილის ჩვენმა ოპონენტებმა ასევე გულწრფელად მიიღონ, მიხვდნენ და დაიჯერონ რომ ერთადერთი მიზანი, სურვილი და ოცნება არის ჩვენი სამშობლოს გაძლიერება, გამთლიანება, ეკონომიკური წინსვლა, დემოკრატიის განვითარება და თითოეული მოქალაქის ოჯახის კეთილდღეობაა. თუ მათ ჩვენი ქვეყნის ოდნავი წარმატება მაინც სურთ, უნდა შეწყვიტონ ტყუილების ტირაჟირება, მოგონილი ცილისმწამებლური კამპანიები ქვეყნის შიგნით და გარეთ, რომელიც აზიანებს საქართველოს იმიჯს. იმსჯელონ, გვაკრიტიკონ, თემატური, პროფესიული დისკუსიები გამართონ და არ გაუშვან შანსი ქვეყანაში ჯანსაღი, ღირსეული ოპოზიციური სპექტრის ჩამოყალიბების, პოლიტიკური კულტურის დამკვიდრების. გუშინ ჩვენ მოვისმინეთ საქართველოზე უზომოდ შეყვარებული, პატრიოტი ადამიანის ხედვები, გზები და დამოკიდებულება საქართველოში არსებულ მდგომარეობაზე და მომავლ გეგმებზე. იგი საკუთარი ქმედებებით ანახებს გუნდსაც  და ჩვენს ოპონენტებსაც, რომ სამშობლოს სიყვარული და ინტერესები ყველაფერზე ზევით დგას.  არასდროს არ ყოფილა რომ ხელისუფლება ასე უსმენდეს და ზრუნავდეს  თავის მოქალაქეებზე, მყისიერად რეაგირებდეს ნებისმიერ საჭიროებებზე, ჩვენ ეს შევძელით და ამას ჭირდება შენარჩუნება, გაფრთხილება, რომ შემდეგმა ხელისუფლებებმა ვეღარასდროს გაბედონ  საკუთარ მოქალაქეებზე ძალადობა, კერძო საკუთრების ხელყოფა, უფლებების შელახვა. მე მჯერა რომ  ბატონი ბიძინას ხელმძღვანელობით ერთად ავიხდენთ ქართულ ოცნებას", - აღნიშნა საპარლამენტო უმრავლესობის დეპუტატმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა