თბილისის მერის კახა კალაძის ინფორმაციით, 2018-2019 წლებში საზოგადოებრივი ტრანსპორტი სრულად განახლდება.

კალაძის თქმით, 2020 წლისთვის ავტობუსების პარკი 900 ერთეულით გაიზრდება.

"სატრანსპორტო პოლიტიკაზე, რომელიც წარმოვადგინეთ, ძალიან დიდხანს ვმუშაობდით. წლების მიხედვით გვაქვს გაწერილი ყველაფერი და მინდა მადლობა გადავუხადო ექსპერტებს და არასამთავრობო ორგანიზაციებს. მთავარია, რომ 2018-2019 წლებში საზოგადოებრივი ტრანსპორტი იქნება სრულად იქნება განახლებული და ქალაქს ეყოლება ახალი, ეკოლოგიურად სუფთა ავტობუსები. 3 მიმართულება იქნება, ეს არის - სიემჯი, დიზელი და ელექტრო ავტობუსები. 2019 წლისთვის ეს ყველაფერი იქნება დასრულებული. 2020 წლისთვის 900 ერთეულამდე გაიზრდება ავტობუსების პარკი. საუბარია ასევე ტაქსების რეგულაციებზე, ასევე პარკირების სისტემაზე - თუ როგორი უნდა იყოს დედაქალაქში პარკირების სისტემა. მგონია, რომ ეს მნიშვნელოვანი და ამბიციური გეგმაა. მთელი ქალაქის მასშტაბით ვაპირებთ პროექტის განხორციელებას, მათ შორის შემოვა ფასიანი პარკირება. თავდაპირველად იქნება საპილოტე ქუჩები, სადაც დაწესდება ფასიანი პარკირება. ერთ-ერთი ქუჩა საიდანაც დაიწყება პროექტი იქნება ლესელიძე. კონკრეტულ ქუჩებზე მაცხოვრებელი ადამიანებისთვის, 100 მეტრის რადიუსში იქნება უფასო ავტომობილების პარკირება, დანარჩენ შემთხვევაში, გაჩერება იქნება ფასიანი", - აღნიშნა კალაძემ.

ცნობისთვის, თბილისის მერიამ დღეს დედაქალაქის სატრანსპორტო პოლიტიკა წარადგინა. სატრანსპორტო პოლიტიკის მიზანია, დედაქალაქის საცობებისგან განტვირთვა და ჰაერის დაბინძურების შემცირება. პოლიტიკა ორიენტირებულია ქვეითების უსაფრთხო გადაადგილებასა და საზოგადოებრივი ტრანსპორტის განვითარებაზე. კალაძის თქმით, აღნიშნული ამოცანების შესასრულებლად, 2018-2019  წლებში 511 ამორტიზებული ავტობუსის სრულად ჩანაცვლება. გარდა ამისა, პოლიტიკა მოიცავს მეტროს 12 ახალი შემადგენლობის დამატებას, რაც დედაქალაქის მერის ინფორმაციით, 2019-2021 წლებში მოხდება. ამასთან, 2019 წელს განახლდება მეტროს, ავტობუსებისა და მიკროავტობუსების მარშრუტები და მოხდება მათი სინქრონიზაცია, რის შედეგადაც, როგორც კახა კალაძემ განმარტა, მგზავრთა ნაკადები ოპტიმალურად გადანაწილდება და საზოგადოებრივ ტრანსპორტზე ხელმისაწვდომობა გაიზრდება. სატრანსპორტო პოლიტიკის მიხედვით, 2021 წლამდე ავტობუსის ზოლები მოეწყობა რუსთაველის, წერეთლის, ალ. ყაზბეგის და ვაჟა-ფშაველას გამზირებზე, ასევე მელიქიშვილისა და შარტავას ქუჩებზე. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა